დოქტორი დომენიკო მასირონი არის ცნობილი იტალიელი ქირურგი, მენტორი და თანამედროვე სტომატოლოგიის დარგის განვითარების პიონერი.იგი 1988 წლიდან ოპერაციულ მიკროსკოპს იყენებს ესთეტიკურ პროთეზებში. დოქტორი მასირონი რამდენიმე წიგნის ავტორია, იგი კითხულობს ლექციებს მთელს მსოფლიოში, სადაც აზიარებს საკუთარი მუშაობის მეთოდს.

მან სახელი სწორედ ოპერაციული მიკროსკოპის სტომატოლოგიურ პროცედურებში დანერგვით გაითქვა.მიკროსკოპი არის ინსტრუმენტი, რომელიც გვაძლევს საშუალებას ვიმუშაოთ უმაღლესი სიზუსტით. მიკროსკოპით მუშაობა მინიმალური ინვაზიის საშუალებას იძლევა, რადგან ფართო ხედი შესაძლებელს ხდის საჭრელი ხელსაწყოების უკეთ კონტროლს და უფრო მეტ სიზუსტეს პროთეზის კონსტრუქციის ყველა ფაზაში. დოქტორი მასირონი საოპერაციო მიკროსკოპს იყენებს ოცდახუთი წლის განმავლობაში და ითვლება პიონერად კონკრეტულ სექტორში.
დოქტორი მასირონი უძღვება არაერთ კურსსა და კონგრესს როგორც ეროვნულ, ასევე საერთაშორისო დონეზე. ის არის ICOl-ის (ორალურ იმპლანტოლოგთა საერთაშორისო კონგრესი) დიპლომატი, EAED-ის (ევროპის ესთეტიკური სტომატოლოგიის აკადემიის) და AMED-ის (მიკროსკოპის გაძლიერებული სტომატოლოგიის აკადემიის) აქტიური წევრი.

დოქტორმა მასირონიმ, დოქტორ კარლ გეზთან ერთად დააარსა სასწავლო ცენტრი "MeG"- სადაც რამდენიმე კურსს სთავაზობს პრაქტიკოს სტომატოლოგებს მთელი მსოფლიოს მასშტაბით.ესენია: "მიკროსკოპია სტომატოლოგიაში", "პროთეზებისა და ესთეტიკის სტომატოლოგია- სრული განხილვა", "პაროდონტალური ქირურგია: სრული კურსი". სასწავლო ცენტრი მდებარეობს მელენანოს ცენტრში, მილანიდან რამდენიმე კილომეტრში.იგი შედგება ორი კლასისგან, ერთი თეორიული და ერთი პრაქტიკული. პირველი იტევს 20 მონაწილეს, ხოლო მეორე განკუთვნილია 16 მონაწილეზე.ცენტრი მოიცავს ონლაინ გაკვეთილებსაც.

"დანბლანშის" ექიმი-ორთოპედი ბესო კურტანიძე სასწავლო ვიზიტით იმყოფებოდა მილანში, სადაც დოქტორმა მასირონიმ გაუზიარა მისი მუშაობის ინოვაციური მეთოდი.პრაქტიკულ კურსზე განხილული იქნა თანამედროვე პროთეზირებადი სტომატოლოგია,რომელიც ამჟამად იყენებს ტექნიკასა და მასალებს, რომლებიც უფრო კონსერვატიულია კბილის ქსოვილების შენარჩუნებასთან მიმართებით; გრძელვადიან პერსპექტივაში პროგნოზირებადი შედეგის მისაღწევად. დღესდღეობით პროთეზი დაფუძნებულია Cad-Cam ტექნოლოგიებზე, ინტრაორალურ სკანერებსა და ფუნქციების ციფრულ მართვაზე."
 

"დანბლანშში" მუდმივად ინერგება უახლესი მეთოდები ყველა სტომატოლოგიური დარგის მიმართულებით.შესწავლილი ტექნიკით, ექიმი ორთოპედი ბესო კურტანიძე გაგიწევთ უმაღლესი ხარისხის სტომატოლოგიურ მომსახურებას.ვიზიტის დასაჯავშნად დაგვიკავშირდით.

თუ ფიქრობ, რომ საკმაოდ დაკავებული დღის რეჟიმი გაქვს, უბრალოდ წარმოიდგინე იყო ბავშვი.სკოლა, სხვადასხვა წრეები და სპორტული აქტივობა, მეგობრები და ოჯახი.ისინი ყოველ დღე სწავლობენ ახალ-ახალ გზებს, იზრუნონ საკუთარ თავზე. ერთ-ერთი აუცილებელი ცხოვრებისეული უნარი, რომელიც ყველა ბავშვმა უნდა შეიძინოს, არის პირის ღრუზე ზრუნვა.დასაწყისისთვის, აუცილებელია დაეხმაროთ თქვენს შვილს ყოველდღიურად კბილები გაიხეხოს ორჯერ, ორი წუთის განმავლობაში.ამ ჩვევის ჩამოყალიბება შეიძლება რთული იყოს, მაგრამ მცირე კრეატიულობამ შესაძლოა სრულად შეგიცვალოთ ეს წარმოდგენა.

წარმოგიდგენთ 5 გზას, თუ როგორ გავხადოთ სახალისო კბილის გახეხვა ბავშვებისთვის:

1. გაიხეხეთ მუსიკის თანხლებით

იმის ნაცვლად, რომ უბრალოდ დააყენოთ 2 წუთიანი ტაიმერი, სცადეთ DJ-ის თამაში, სანამ თქვენი შვილი იხეხავს! აირჩიეთ მუსიკა, რომლებიც უყვართ.ნებისმიერი მელოდიური და პოზიტიური სიმღერა კარგად იმოქმედებს გახეხვის პროცესზე. უშუალოდ პროცესამდე შეგიძლიათ აყურებინოთ მარტივი ვიდეოები როგორ ისუფთავებენ კბილებს მათი საყვარელი მულტფილმის გმირები ანიმაციებში, მსგავსი შინაარსის ბევრი ვიდეო მოიპოვება ინტერნეტ სივრცეში.

2. შესთავაზეთ მარტივი ჯილდოები

რა აღძრავს თქვენს შვილში ენთუზიაზმს?შეგიძლიათ შექმნათ ჯილდოების დაფა, რომელზეც ყოველი გახეხვის შემდეგ მოციმციმე სტიკერს დააკრავთ.იფიქრეთ იმაზე, თუ რა არის შესაფერისი მათი ასაკისა და საყვარელი საქმიანობისთვის. ჯილდოები შეიძლება იყოს სიტყვიერი და ისეთივე მარტივი, როგორც: „შენ გაქვს გასაოცარი ღიმილი! მე ძალიან ვამაყობ შენით,” ასევე ჩახუტება და ხელის ჩარტყმა High five!

3. გამოიგონეთ ისტორია

შექმენით თქვენი საკუთარი პირის ღრუს მოვლის ზღაპარი.აქციეთ ისინი სუპერგმირად, რომელიც ყოველი გახეხვისას იშორებს კარიესის გამომწვევ ცუდ ბიჭებს, საბოლოოდ კი ის ჯანსაღი ღიმილით სამყაროს გადარჩენას შეძლებს!

4. ნება მიეცით თქვენს შვილს თავად აირჩიოს კბილის ჯაგრისი და პასტა

გახეხვა უფრო სახალისოა, როდესაც თქვენ გაქვთ კბილის პასტა სახალისო,ფერადი ზოლებით ან ბრჭყვიალა დეტალებით. ვინ იტყვის უარს სხვადასხვა არომატებსა და სასურველი ფერის ნაირ-ნაირ ჯაგრისებზე?(მოძებნეთ პროდუქტები ADA-ს ჰოლოგრამით რათა იყოს უსაფრთხო.)

5. გაიხეხეთ მათთან ერთად

ბავშვები თქვენგან სწავლობენ, ამიტომ ეს არის შესანიშნავი გზა იმ ჯანსაღი რუტინის მოდელირებისთვის, რომელსაც ყოველთვის მისდევთ, რაც არ უნდა დატვირთული იყოს ცხოვრება. ოჯახს, რომელიც ერთად იხეხავს კბილებს, კიდევ უფრო მეტი მიზეზი აქვს გასაღიმებლად.

ბავშვთა სტომატოლოგთან კონსულტაციისთვის, დაგვიკავშირდით.

სწორი სტომატოლოგის არჩევა ძალიან მნიშვნელოვანია თქვენთვის და თქვენი ოჯახისთვის, რადგან სტომატოლოგი-პაციენტის ურთიერთობა, როგორც წესი, ხანგრძლივია.აუცილებელია სტომატოლოგმა იცოდეს მისი პაციენტის ინდივიდუალური საჭიროებები, იცნობდეს მისი პირის ღრუს თავისებურებებს და უზრუნველყოს სერვისი, რომელსაც პაციენტი მისგან მოელის.

სანამ გადაწყვეტილებას მიიღებთ, არსებობს ფაქტორები, რომლებიც გასათვალისწინებელია სტომატოლოგის არჩევისას.გახსოვდეთ, რომ სტომატოლოგი თქვენი ღიმილის შემოქმედია.პირველ რიგში უნდა გაიაზროთ, რა არის თქვენთვის პრიორიტეტი? ეს შეიძლება იყოს სისუფთავე, კარგი ლოკაცია, გამოცდილი ექიმი ან თანამედროვე აღჭურვილობა. კლინიკაში ვიზიტები ისედაც ასოცირდება გარკვეულ სტრესთან, წარუმატებელი სტომატოლოგიური პროცედურის შიში კი კიდევ უფრო ამძაფრებს მას.ექიმისადმი სრული ნდობა მნიშვნელოვნად შეგიმსუბუქებთ ღელვას და ვიზიტებს პოზიტიურ გამოცდილებად აქცევს. სწორედ ამიტომ, საჭიროა სტომატოლოგის ფრთხილად შერჩევა, პროცესში კი სწორი კითხვების დასმა:

• რას მოიცავს სტომატოლოგის განათლება, ტრენინგი, სპეციალობა და კლინიკური გამოცდილება? რამდენი ხანია ის პრაქტიკაშია?
• რამდენი ხნით ადრე უნდა ჩაეწეროთ ვიზიტისთვის?
• როგორ ხდება რეაგირება გადაუდებელი შემთხვევებისას?
• რა გადახდის გეგმებს გვთავაზობს კლინიკა/სტომატოლოგი? დაზღვევა მიღებულია?
• როგორ რეაგირებს ექიმი სტომატოლოგიაში არსებულ ცვლილებებზე, სწავლობს ახალ ტექნიკას?
• მონაწილეობს თუ არა ის რაიმე სახის უწყვეტ განათლებაში?
• არის თუ არა ის რომელიმე ადგილობრივი, სახელმწიფო ან ეროვნული სტომატოლოგიური ასოციაციის წევრი?
• პაციენტის (განსაკუთრებით ბავშვების შემთხვევაში) კომფორტის რა ნივთებია ხელმისაწვდომი (მაგ. ოთახში ტელევიზორი, სედაციური სტომატოლოგია, ფერადი გარემო, მასაჟი, ბალიშები და ასე შემდეგ)
• არის თუ არა უახლესი აღჭურვილობა (მაგ., ლაზერები ბურღვის წინააღმდეგ)?

ჩვენს რეალობაში, ექიმის შერჩევა ძირითადად სანდო ადამიანის რეკომენდაციის საფუძველზე ხდება. სასურველია შერჩეულ სტომატოლოგთან გაიაროთ პირველადი კონსულტაცია თქვენი პირის ღრუს მდგომარეობის შესაფასებლად და დასვათ კითხვები,ეს ძალიან დაგეხმარებათ სწორი გადაწყვეტილების მიღებაში.

ყურადღებით აწონეთ ყველა ვარიანტი

არასოდეს დაკმაყოფილდეთ უახლოესი, იაფი ან ყველაზე ხელმისაწვდომი სტომატოლოგით.ბევრი ადამიანებისთვის სტომატოლოგთან ვიზიტი მეტ-ნაკლებად მაინც ასოცირდება სტრესთან.დაუთმეთ დრო თქვენი ვარიანტების საფუძვლიანად შეფასებას – ეს თავს მშვიდად გაგრძნობინებთ და ისედაც სტრესულ ვიზიტს მნიშვნელოვნად შეგიმსუბუქებთ! ეწვიეთ კლინიკას წინასწარ, მოაწყვეთ ტური, და გაესაუბრეთ ექიმს კონსულტაციისთვის.

 ჩვენი გუნდი დაკომპლექტებულია მრავალწლიანი გამოცდილების მქონე, ქვეყანაში საუკეთესო სტომატოლოგებით,რომელთაც შეგიძლიათ ენდოთ.ჩვენ ვვითარდებით ყოველ დღე! „dentsblanches დანბლანში“-ს ექიმები სისტემატიურად ესწრებიან სამედიცინო კონფერენციებს და მასტერ კლასებს როგორც საქართველოში, ასევე საზღვრებს გარეთ და დაუყოვნებლივ ნერგავენ ინოვაციურ ტექნიკას ყველაზე მარტივ პროცედურებშიც კი.კლინიკა და ლაბორატორია სრულადაა აღჭურვილია თანამედროვე სამედიცინო ტექნიკით,რომელიც ბაზარზე არსებულ სხვა ალტერნატივებთან შედარებით ჩვენს სტომატოლოგიურ კლინიკას მოწინავეს ხდის. მშვიდი და კომფორტული გარემო,კარგი ლოკაცია და პროფესიონალი ექიმები დაგეხმარებიან დაძლიო სტომატოლოგის შიში, ჩაიტარო სასურველი პროცედურა სწრაფად,მარტივად და უმტკივნეულოდ.ჩვენ შევცვლით შენს წარმოდგენებს ტრადიციულ სტომატოლოგიაზე და შევქმნით ბედნიერ მომენტებს ყოველი ვიზიტისას.

ჩასაწერად დაგვიკავშირდი.

ბოლო წლებში სტომატოლოგიამ მნიშვნელოვანი ტრანსფორმაციები განიცადა, რაც გამოწვეულია ტექნოლოგიური მიღწევებით, ციფრული კვლევებით და პაციენტზე ორიენტირებული მკურნალობის მეთოდებით. 2023 წლის მიწურულს, თანამედროვე სტომატოლოგიის მომავალი გვპირდება კიდევ უფრო მეტ საინტერესო სიახლეს. მოდით, ერთად განვიხილოთ ისინი:

ციფრული სტომატოლოგია და ხელოვნური ინტელექტი (AI):

ციფრული ტექნოლოგიებისა და ხელოვნური ინტელექტის ინტეგრაცია რევოლუციას მოახდენს სტომატოლოგიის სფეროში. 2024 წელს უნდა ველოდოთ ყბა-სახის ციფრულ 3D დიზაინში ხელოვნური ინტელექტის დახმარებას (CAD/CAM). ხელოვნური ინტელექტის ალგორითმები გადამწყვეტ როლს შეასრულებენ დიაგნოსტიკაში, მკურნალობის დაგეგმვასა და პრევენციულ მოვლაშიც კი, რაც ზრდის სტომატოლოგიური მკურნალობის სიზუსტეს და ეფექტურობას.

ტელესტომატოლოგია:

2019 წლიდან, კორონავირუსის გამო, მსოფლიო ახალ, დისტანციურ წესრიგზე გადაეწყო.2024 წელს ტელესტომატოლოგია, სავარაუდოდ, უფრო მეინსტრიმული გახდება, რაც საშუალებას მისცემს პაციენტებს დისტანციურად გაიარონ კონსულტაცია სტომატოლოგებთან. ეს არა მხოლოდ გააუმჯობესებს ხელმისაწვდომობას, განსაკუთრებით სოფლად ან დაქვემდებარებულ რაიონებში, არამედ გაამარტივებს რუტინულ შემოწმებებს, რაც ამცირებს პერსონალური ვიზიტების საჭიროებას.

3D სტომატოლოგია

3D სტომატოლოგია არახალია და უკვე დიდი ხანია დანერგილია ჩვენ კლინიკაში.საქმე იმაშია, რომ 3D ტექნოლოგიის გამოყენება კიდევ უფრო ფართოვდება.ის ინოვაციებს სთავაზობს როგორც პროთეზირების, ასევე ორთოდონტიის სფეროს. 3D ტექნოლოგიის გამოყენებით შეიძლება დამზადდეს ინდივიდუალურად მოსარგები სტომატოლოგიური იმპლანტები, გვირგვინები და ხიდები, რაც უზრუნველყოფს სრულყოფილ , უშეცდომო მორგებას თითოეული პაციენტისთვის.

რეგენერაციული სტომატოლოგია:

რეგენერაციული მედიცინის მიღწევები თავს სტომატოლოგიაშიც ავლენს და გვთავაზობს ახალ შესაძლებლობებს ქსოვილების აღდგენისა და რეგენერაციისთვის. ღეროვანი უჯრედების თერაპია, ზრდის ფაქტორები და ბიომასალები იკვლევენ პაროდონტის რეგენერაციასა და პირის ღრუს დაავადებების მკურნალობას. ამ მიდგომას აქვს პოტენციალი სრულად გარდაქმნას სტომატოლოგიური მკურნალობის ტრადიციული გაგება ბუნებრივი სამკურნალო პროცესების ხელშეწყობის გზით.

ზუსტი სტომატოლოგია და პერსონალიზებული მკურნალობის გეგმები:

ერთჯერადი და ზოგადი სტომატოლოგიური მკურნალობის ეპოქა ადგილს უთმობს ზუსტ სტომატოლოგიას. გენეტიკური ინფორმაცია, მიკრობიომის ანალიზი და მოწინავე დიაგნოსტიკა საშუალებას მისცემს სტომატოლოგებს შექმნან ინდივიდუალური მკურნალობის გეგმები, რომლებიც მორგებულია თითოეული ადამიანის პირის ღრუს ჯანმრთელობის უნიკალურ საჭიროებებზე. ეს გადასვლა ზუსტი სტომატოლოგიისკენ უზრუნველყოფს უფრო ეფექტურ შედეგებს ნაკლები გართულებებით და პრევენციულ ზომებზე ფოკუსირებით.

AR მეთოდი სტომატოლოგიურ განათლებასა და ტრენინგში:

AR მეთოდის გამოყენებით, (გაძლიერებული ვირტუალური რეალობა) სტომატოლოგებს შეუძლიათ მკურნალობის სიმულაცია მის დაწყებამდე. ეს მეთოდი განსაკუთრებით სასარგებლოა რთული პროცედურებისთვის, რომლებიც საჭიროებენ ფრთხილად დაგეგმვასა და სიზუსტეს, როგორიცაა ორალური ქირურგია ან იმპლანტოლოგია.

2024 წელს, სტომატოლოგიური ტრენინგების უმეტესობა მოიცავს AR აპლიკაციების სწავლებას სტუდენტებისთვის.ეს ტექნოლოგია არა მხოლოდ აჩქარებს სწავლის პროცესს, არამედ უზრუნველყოფს სტომატოლოგების კარგად აღჭურვას თანამედროვე სტომატოლოგიის სირთულეებთან ბრძოლისთვის.
 

დასასრულს, თანამედროვე სტომატოლოგიის მომავალი 2024 წელს ხასიათდება მთელი რიგი მიღწევებით, რაც მიზნად ისახავს სტომატოლოგიური მკურნალობის ხარისხის ამაღლებას და პაციენტის გამოცდილების შეცვლას. როდესაც ჩვენ ვიღებთ ამ ტრანსფორმაციულ ცვლილებებს, პირის ღრუს ჯანმრთელობის პერსპექტივა უფრო ნათელი ჩანს, ვიდრე ოდესმე, სადაც სტომატოლოგია არ არის მხოლოდ პრობლემების მკურნალობა, არამედ დიდწილად ემყარება პრევენციულ მოვლას.
ჩასაწერად დაგვიკავშირდით.

ნამდვილი შავი პარასკევის ფასდაკლება ჩვენს კლინიკაში!

მხოლოდ 20 ნოემბრიდან თვის ბოლომდე, თუ არ მოგწონს შენი ღიმილი, რადგან მას აკლია ჯანსაღი ფერი და ბრწყინვალება, ჩაიტარე კბილების საოფისე გათეთრება 650 ლარის ნაცვლად 400 ლარად; ხოლო პროფესიული წმენდა 180 ლარის ნაცვლად 100 ლარად.

ჩვენთან ,საოფისე გათეთრების ჩატარებას ამერიკული უმაღლესი ხარისხის IBRITE LED WHITENING LIGHT აპარატისა და WHITER IMAGE გელის საშუალებით შეძლებ.

აუცილებელია წინასწარ ჩაწერა.
დაგვიკავშირდით 

“ბუნებრივი”, ”ეკო მეგობრული”, ”ვეგანური”, “ბიო პროდუქტი”…ეს ის სიტყვებია, რომლებსაც ხშირად გაიგონებთ თავის მოვლის ჰიგიენურ საშუალებებზე, საკვებზე ან საყოფაცხოვრებო ნივთებზე საუბრისას.ბუნებრივ და ნატურალურ საშუალებებზე მოთხოვნა ძალიან მზარდია და აი, რა უნდა იცოდეთ თუ გამუდმებით ბუნებრივი სტომატოლოგიური პროდუქტების ძიებაში ხართ.პირის ღრუს ჰიგიენის ზოგიერთი დამხმარე საშუალება მეცნიერულად დადასტურებულია, რომ უფრო ეფექტურია, ვიდრე სხვები.მიუხედავად იმისა, რომ წლების განმავლობაში მეცნიერები გვირჩევენ მხოლოდ მტკიცებულებებზე დაფუძნებული პირის ღრუს ჰიგიენის პროდუქტების გამოყენებას, გადაწყვეტილება საბოლოო ჯამში მომხმარებელს ეკისრება.

რა არის ბუნებრივი სტომატოლოგია?

ბუნებრივი, იგივე ჰოლისტიკური სტომაოტლოგია ფოკუსირებულია პაციენტების მკურნალობაზე მთელი სხეულის შეფასებით (გონება, სხეული და სული) და ეძებს ინფექციის ან სტომატოლოგიური პრობლემების ძირეულ მიზეზს.მსგავსი მიდგომით პაციენტი სმკურნალობა ხდება მხოლოდ ბუნებაში მოპოვებული ან ბუნებრივ მდგომარეობასთან ახლოს მყოფი ინგრედიენტებით.ჰოლისტიკური სტომატოლოგია ასევე ცნობილია, როგორც ალტერნატიული, არატრადიციული.მსგავსი მიდგომა ამჟამად არ არის აღიარებული სპეციალობა ამერიკის სტომატოლოგთა ასოციაციის მიერ, თუმცა ნელ-ნელა საქართველოშიც იხვეჭს პოპულარულობას.

რატომ ეძებენ პაციენტები ბუნებრივ სტომატოლოგიურ პროდუქტებს?

ბუნებრივი სტომატოლოგიური პროდუქტები არის პროდუქტები, რომლებსაც აქვთ ბუნებრივი ინგრედიენტები და/ან ეკოლოგიურად სუფთა შეფუთვა.ზოგიერთ პაციენტს შეუძლია აირჩიოს პროდუქტი უფრო ბუნებრივი ინგრედიენტებით ჯანმრთელობისა და კეთილდღეობისთვის; სხვებს შესაძლოა ეკოლოგიურად სუფთა პროდუქტების იმედი ჰქონდეთ, რომლებიც დაგვეხმარება ნარჩენების შემცირებაში და პლანეტის გადარჩენაში. როგორიც არ უნდა იყოს მიზეზი, პაციენტებს უფლება აქვთ გამოიყენონ პირის ღრუს ჰიგიენის საშუალებები, რომლებსაც მიზანშეწონილად მიიჩნევენ. ჩვენ კი უნდა დავეხმაროთ სწორი გადაწყვეტილების მიღებაში.

რისგან მზადდება ბუნებრივი სტომატოლოგიური პროდუქტები?

მეცნიერებამ აჩვენა, რომ ბუნებრივი პროდუქტები შეიძლება მართლაც ეფექტური იყოს პირის ღრუს ჯანმრთელობის გასაუმჯობესებლად, თუმცა ეს არ ნიშნავს იმას, რომ პაციენტებმა თამამად და მოურიდებლად გამოიყენონ სხვადასხვა ბუნებრივი საშუალება პირის ღრუს ინფექციების, ღრძილების პრობლემებისა თუ სხვა დაავადებების სამკურნალოდ/საპრევენციოდ. ჩაის ხის ზეთი, ქოქოსი, ქსილიტოლი, ალოე ვერა, საკვები სოდა, მიხაკის ზეთი, საღეჭი ჩხირები და ჰიდროქსიაპატიტი ამცირებს ბაქტერიების გამრავლებას პირის ღრუში და ხელს უწყობს რემინერალიზაციას, თუმცა ისინი გამოყენებული უნდა იქნას პროფესიონალი სტომატოლოგის რჩევითა და დაკვირვების ქვეშ. მნიშვნელოვანია, პაციენტმა თავი აარიდოს თვითდიაგნოსტირებას, დაიცვას სწორი დოზირება ბუნებრივი პროდუქტის გამოყენებისას, გამოიჩინოს პროფესიონალიზმი ნაყენების დასამზადებლად და სწორად მოსახმარებლად.ყველაფერი ეს, საკმაოდ დიდ სირთულეს უკავშირდება და იზრდება მდგომარეობის გაუარესების რისკი, სწორედ ამიტომაა აუცილებელია პროფესიონალი სტომატოლოგის რეკომენდაცია.

ეკოლოგიურად სუფთა სტომატოლოგიური მოვლის საშუალებები ასევე მოიცავს ხის, ბამბუკის ან მეორადი პლასტმასის კბილის ჯაგრისებს.რეციკლირებული მასალებით შეფუთულს  და ასე შემდეგ.პირის ღრუს ჯანმრთელობის შეფასების საფუძველზე, ჩვენ შეგვიძლია ინდივიდუალური რეკომენდაციები გავცეთ პაციენტებზე, რომლებსაც სურთ გამოიყენონ მხოლოდ ბუნებრივი სტომატოლოგიური პროდუქტები, რათა ზიანის გარეშე,ამომწურავად ისარგებლონ ბუნებრივი ინგრედიენტების ყველა სიკეთით.

საბოლოო ჯამში, ჰოლისტიკურ და ტრადიციულ სტომატოლოგიას, ორივეს აქვს პაციენტების მკურნალობის სტანდარტი, თუმცა ისინი განსხვავდებიან თავიანთი მეთოდებით.დღესდღეობით, უსაფრთხო და ეფექტური ბუნებრივი საშუალებები გამოიყენება კარიესის პროფილაქტიკისა და მართვისთვის.ბიოთავსებადი მასალების (მაგ:იმპლანტების ) გამოყენება კი, ტრადიციული სტომატოლოგიისთვისაც სახელმძღვანელო პრინციპია, შესაბამისად, ჩვენი რეკომენდაციით, მნიშვნელოვანია ამ ორი მიდგომის კომბინირება, რათა პაციენტებს პირის ღრუს ჯანმრთელობის მხარდასაჭერად, მრავალფეროვანი გზები შევთავაზოთ.

ჩვენს სტომატოლოგებთან კონსულტაციისთვის, დაგვიკავშირდით.

ყველა ადამიანს მოზარდობის ასაკიდან, ერთხელ მაინც უგრძვნია უსიამოვნო სუნი პირის ღრუდან, რაც უხერხულობის მიზეზი გამხდარა. გეტყვით, რომ ამაში სამარცხვინო არაფერია.ერთად გავარკვიოთ რა დგას უსიამოვნო სუნის უკან, რა იწვევს მას და როგორ ვებრძოლოთ ეფექტურად.უსიამოვნო სუნს პირის ღრუდან, ე.წ ჰალიტოზს ჩვეულებრივ იწვევს პირის ღრუს ჰიგიენის არასათანადო დაცვა ან/და არაჯანსაღი ჩვევები, როგორიცაა მოწევა, ალკოჰოლის მიღება და საკვები, რომელსაც მივირთმევთ. ზოგიერთ შემთხვევაში, ცუდ სუნს შეიძლება იწვევდეს: კარიესი, Მშრალი პირის ღრუ,პირის ღრუს ინფექციები კუჭის რეფლუქსი, სინუსური ინფექციები, ღვიძლისა და თირკმელების ინფექციები ან დიაბეტი.

რა სახის ბაქტერიები იწვევს უსიამოვნო სუნს?

ენაზე და ღრძილების ქვემოთ აღმოჩენილი  ზოგიერთი ბაქტერიები იწვევენ უსიამოვნო სუნს.ეს ბაქტერიები ასხივებენ აქროლად გოგირდის ნაერთებს (VSC) - როგორიცაა წყალბადის სულფიდი და მეთილმერკაპტანი - სწორედ ისინი არიან პასუხისმგებლები თქვენს უსიამოვნო სუნზე.იმ შემთხვევაშიც, თუ პირის ღრუს ჰიგიენა ზედმიწევნით სრულდება ეს მეთოდები მხოლოდ დროებით მუშაობს, რადგან ბაქტერიები სწრაფად მრავლდებიან.ცუდი სუნის გამომწვევი მიზეზების დადგენა შეიძლება რთული იყოს სპეციალისტის დახმარების გარეშე, რადგან მისი გამომწვევი უამრავი მიზეზი არსებობს; ასე რომ, ამაზე სასურველია გაესაუბროთ სტომატოლოგს, დიაგნოზის შემდგომ კი საჭიროების შემთხვევაში მიმართოთ ოჯახის ექიმს ან სხვა სპეციალისტს.

უსიამოვნო სუნის მკურნალობა მარტივად და მყისიერი შვება

მოულოდნელი არ იქნება, თუ ვიტყვით რომ უსიამოვნო სუნის თავიდან აცილება სწორად წარმართული ორალური ჰიგიენით შეიძლება.დამატებით, შეიძლება ითქვას, რომყოველი ჭამის შემდეგ პირის ღრუს გამორეცხვა დაგეხმარებათ ნადების მოცილებასა და სუნთქვის განახლებაში.პროფესიული წმენდა ასევე შესანიშნავი ნაბიჯია პირის ღრუს ჯანმრთელობის შესანარჩუნებლად.

ამას გარდა, გარკვეული საკვები, როგორიცაა უმი ხახვი ან ნიორი, იწვევს უსიამოვნო სუნს.მჟავე საკვების (როგორიცაა ძმარი) ან მაღალი ფრუქტოზის შემცველი საკვების (როგორიცაა შაქრიანი მარცვლეული) თავიდან აცილება ასევე ამცირებს უსიამოვნო სუნს.

სასურველია შეამციროთ შაქრის მიღება და აირჩიოთ საკვები, რომელიც ზრდის ნერწყვის გამოყოფას, როგორიცაა: მთელი მარცვლეული, როგორიცაა ყავისფერი ბრინჯი, მუქი მწვანე და ნარინჯისფერი ბოსტნეული, მრავალფეროვანი ხილი და ცილები, როგორიცაა თევზი, ლობიო, თხილი. ასევე ცერეცო აძლიერებს ნერწყვის გამომუშავებას და შეიცავს უამრავ ანტიბაქტერიულ თვისებას.

თქვენ რეგულარულად იხეხავთ კბილებს, იყენებთ სავლებსა და ფლოსს, თუმცა ზოგჯერ მაინც ამჩნევთ უსიამოვნო სუნს პირის ღრუდან და სამუდამოდ ვერასოდეს იცილებთ.თუ გაწუხებთ ქრონიკული უსიამოვნო სუნი პირიდან, გამოსავალი შესაძლოა პრობიოტიკების მიღებაში იყოს.

ზუსტად რა არის პრობიოტიკები?

პრობიოტიკები არის “კეთილი” ბაქტერიები, რომლებიც სასარგებლოა თქვენი ჯანმრთელობისთვის.პრობიოტიკები გვხვდება ფერმენტირებულ საკვებში, როგორიცაა იოგურტი, მჟავე კომბოსტო და დანამატები - საჭმლის მომნელებელი სისტემის გასაუმჯობესებლად. პრობიოტიკები ხელს უწყობს კარგი ბაქტერიების ზრდას თქვენს ნაწლავში, რაც ნაკლებ ადგილს ტოვებს ცუდისთვის.

კონექტიკუტის უნივერსიტეტის პროფესორების აზრით, უსიამოვნო სუნთქვისგან თავის დაღწევის საუკეთესო გზაა სასარგებლო ბაქტერიების მოჭარბება პირის ღრუში, ნაცვლად ცუდი ბაქტერიების წინააღმდეგ ბრძოლისა.მკვლევარებმა სუბიექტებს K12 პრობიოტიკური პასტილები მისცეს და ერთი კვირის შემდეგ მონაწილეთა 85 % აჩვენა ჰალიტოზის მნიშვნელოვანი შემცირება.სტომატოლოგიური პრობიოტიკური დანამატები დაგეხმარებათ დროთა განმავლობაში სრულად გათავისუფლდეთ უსიამოვნო სუნისგან.ეს დანამატები ხელმისაწვდომია პასტილების, საღეჭი ტაბლეტების ან პრობიოტიკური სასმელების სახით.ზოგიერთი სახის კბილის პასტაც კი შეიცავს ორალურ პრობიოტიკებს.

თუ უსიამოვნო სუნი კვლავ პრობლემად რჩება, აუცილებლად მიმართეთ თქვენს სტომატოლოგს, რათა გამოირიცხოს რაიმე სხვა გამომწვევი მიზეზი, როგორიცაა პაროდონტის დაავადება, სინუსური ან კუჭ-ნაწლავის დაავადებები. წინააღმდეგ შემთხვევაში, სტომატოლოგიური პრობიოტიკების კომბინაციით და კარგი პირის ღრუს ჰიგიენის დაცვით, ჰალიტოზი ვერასოდეს დაგამარცხებთ.

თანამედროვე მსოფლიოში კბილების ნაწილობრივი ან სრული დაკარგვა, ჯერ კიდევ სერიოზულ გამოწვევას წარმოადგენს, თუმცა სამედიცინო სფერო პრობლემის საკმაოდ მრავალფეროვან და მარტივ გადაწყვეტას გვთავაზობს.ერთი კბილის არ ქონაც კი, იწვევს დისკომფორტს, გარეგნობის ცვლილებას და უარყოფით გავლენას ახდენს ცხოვრების ხარისხზე.
  იმპლანტოლოგიამ  ნამდვილი რევოლუცია მოახდინა სტომატოლოგიის სფეროში.ჯერ კიდევ ჩვენს წელთაღრიცხვამდე 2000 წელს, ძველი ჩინეთის ცივილიზაციაში პირველი ბამბუკის მასალისგან დამზადებული იმპლანტების ადრეული ვერსიები გამოიყენებოდა დაკარგული კბილების ჩასანაცვლებლად.
 

დღესდღეობით, იმპლანტოლოგია დაკარგული კბილის ადგილას ცარიელი სივრცის შევსების უალტერნატივო მეთოდია, რომელიც პრობლემის მუდმივ გადაწყვეტას გვთავაოზბს.სტომატოლოგიური იმპლანტი გამოიყურება, შეიგრძნობა და ფუნქციონირებს როგორც ბუნებრივი კბილი. თუ თქვენ განიხილავთ დენტალურ იმპლანტაციას, ნამდვილად იმყოფებით ღიმილისა და პირის ღრუს ჯანმრთელობის აღდგენის სწორ გზაზე. თავიდანვე უნდა ითქვას, რომ იმპლანტაციის პროცედურის წარმატება მნიშვნელოვნადაა დამოკიდებული სტომატოლოგიური კლინიკის გამოცდილებაზე, გამოყენებული მასალების ხარისხსა და პირის ღრუს ზოგად ჯანმრთელობაზე. სტომატოლოგიური კლინიკის შერჩევისა და იმპლანტაციის შესახებ გადაწყვეტილების მიღებამდე გასათვალისწინებელია რამდენიმე ფაქტორი:

საერთოდ რა არის იმპლანტი?

დენტალური იმპლანტები არის ხელოვნური კბილის ფესვები, რომლებიც დამზადებულია ბიოთავსებადი მასალებისგან, როგორიცაა ტიტანი. ეს იმპლანტები ქირურგიულად მოთავსებულია თქვენს ყბის ძვალში, რათა იყოს სტაბილური საფუძველი ჩანაცვლებითი კბილებისთვის, როგორიცაა გვირგვინები, ხიდები ან პროთეზები. მეტალის ხრახნზე დამაგრებული კერამიკული (ფაიფურის) გვირგვინი სრულად იმეორებს ბუნებრივი კბილის ფერსა და სტრუქტურას,რაც შეუიარაღებელი თვალით ბუნებრივი და ხელოვნური კბილის ერთმანეთისაგან გარჩევას შეუძლებელს ხდის.

როგორ შევარჩიოთ სწორი სტომატოლოგიური კლინიკა

სწორი სტომატოლოგიური კლინიკის შერჩევა წარმატებული პროცედურისთვის პირველი და უმნიშვნელოვანესი ნაბიჯია.

სერთიფიკატები და გამოცდილება

დარწმუნდით, რომ თქვენს მიერ არჩეულ სტომატოლოგიურ კლინიკას ჰყავს  როგორც ლიცენზირებული და გამოცდილი იმპლანტოლოგები, ასევე ქირურგები.დარწმუნდით, რომ გუნდს შეუძლია ეფექტურად გაუმკლავდეს რთულ საქმეებს.

ტექნიკა და აღჭურვილობა

თანამედროვე სტომატოლოგიური იმპლანტოლოგია ეყრდნობა მოწინავე ტექნოლოგიას. უახლესი ინსტრუმენტებით აღჭურვილ კლინიკას, როგორიცაა 3D გამოსახულება და CAD/CAM სისტემები, შეუძლია უფრო ზუსტი დიაგნოსტიკა და შესაბამისად იმპლანტის ზუსტი განთავსება, რაც საუკეთესო შედეგის გარანტიაა.

კონსულტაცია

დაგეგმეთ კონსულტაცია სტომატოლოგიურ კლინიკასთან თქვენი კონკრეტული საჭიროებებისა და პრობლემების განსახილველად. მცოდნე იმპლანტოლოგმა, საფუძვლიანად უნდა შეაფასოს თქვენი პირის ღრუს ჯანმრთელობა, განიხილოს მკურნალობის ვარიანტები და უზრუნველყოს შესაბამისი დეტალური გეგმა.

ხარჯები

იმპლანტაციის პროცედურა არის ინვესტიცია ცხოვრების ხარისხის გასაუმჯობესებლად, ამიტომ აუცილებელია წინასწარ გაიგოთ ღირებულება.დაინტერესდით ნებისმიერი დაფინანსების ვარიანტით რომელზეც ხელი მიგიწვდებათ, რათა მკურნალობა უფრო ხელმისაწვდომი გახდეს.

იმპლანტის მასალა და ხარისხი

იმპლანტის მასალის არჩევანი და მისი ხარისხი მნიშვნელოვნად აისახება პროცედურის წარმატებაზე. სტომატოლოგიური იმპლანტების უმეტესობა დამზადებულია ტიტანისგან მისი ბიოთავსებადობისა და ყბის ძვალთან შერწყმის უნარის გამო, თუმცა, არსებობს ვარიაციები იმპლანტების ხარისხსა და დიზაინში.დარწმუნდით, რომ იმპლანტის მასალა არის სამედიცინო ხარისხის ტიტანი. იაფი ალტერნატივებმა შეიძლება არ შემოგთავაზონ გამძლეობისა და ბიოთავსებადობის იგივე დონე.

იმპლანტის ბრენდი:

თქვენმა იმპლანტოლოგმა უნდა გამოიყენოს ცნობილი, სანდო ბრენდების იმპლანტები.იმპლანტის მწარმოებელ ბრენდს დიდი მნიშვნელობა აქვს. გასაგებია, რომ თანამედროვე იმპლანტები დამზადებულია ტიტანისგან და ყველა მათგანი ხორცდება, თუმცა ყველა სისტემას აქვს თავისებურებები. სასურველია არჩეული იქნეს ბრენდი, რომელიც მრავალი წელია ფუნქციონირებს, დიდი ფულსა და ენერგიას ხარჯავს სამეცნიერო კვლევებსა და ექსპერიმენტებზე. კლინიკა“ დანბლანში” ირჩევს კორეულ ბრენდ NeoBioTech-ს რომელიც 70ზე მეტ ქვეყანაში იკავებს დამსახურებულ პირველ ადგილს.რა თქმა უნდა, წამყვანი კომპანიების პროდუქცია იაფი არ ჯდება, მაგრამ ღირს კი ეკონომიის გაკეთება იმაზე, რაც, შესაძლოა, მთელი ცხოვრება მოგემსახუროთ?

მორგება:

თითოეული პაციენტის საჭიროებები უნიკალურია. სტომატოლოგიურმა კლინიკამ უნდა შემოგთავაზოთ მკურნალობის გეგმა, რომელიც მორგებულია თქვენს კონკრეტულ სიტუაციაზე.

შემდგომი მოვლა

სტომატოლოგიური იმპლანტები  გრძელვადიანი შედეგისთვის საჭიროებს მუდმივ მოვლას. თანამედროვე სტომატოლოგიურმა კლინიკამ უნდა მოგაწოდოთ ყოვლისმომცველი ინსტრუქციები იმის შესახებ, თუ როგორ უნდა იზრუნოთ თქვენს იმპლანტებზე და დანიშნოს რეგულარული შემდგომი შეხვედრები მათი მდგომარეობის მონიტორინგისთვის.

საბოლოოდ, თანამედროვე იმპლანტოლოგიამ შესაძლებელი გახადა  ბუნებრივი ღიმილისა და პირის ღრუს სრული ფუნქციის აღდგენა.პროცედურის წარმატება დამოკიდებულია სტომატოლოგიური კლინიკის კვალიფიკაციასა და იმპლანტის ხარისხზე. კვალიფიციური კლინიკის, მაღალი ხარისხის იმპლანტის მასალების არჩევით და სათანადო შემდგომი მოვლის ვალდებულებით, შეგიძლიათ ისიამოვნოთ წარმატებული პროცედურის სამუდამო უპირატესობებით.დაიმახსოვრეთ, ლამაზი, ჯანსაღი ღიმილი არის მომავლის ინვესტიცია, რომელიც მხოლოდ ერთ სწორ გადაწყვეტილებას საჭიროებს.
კონსულტაციისთვის დაგვიკავშირდით.

კბილის მსუბუქმა ტკივილმაც კი შეიძლება გაგიფანტოთ ყურადღება და დაგაკარგინოთ კონცენტრაცია.უარეს შემთხვევაში, კბილის ტკივილი შეიძლება იყოს იმდენად ძლიერი, რომ ვერ შეძლოთ ნორმალურად ფუნქციონირება. ტკივილი არის თქვენი სხეულის ნიშანი იმისა, რომ რაღაც რიგზე არ არის და შეიძლება მიანიშნებდეს სერიოზულ გამომწვევ მიზეზზე.

რა იწვევს კბილის ტკივილს?

კბილის ტკივილს შეიძლება მრავალი პოტენციური მიზეზი ჰქონდეს.საკმაოდ გავრცელებული მიზეზი კბილის კარიესია.ქვემოთ მოყვანილი დიაგრამა გვიჩვენებს კბილის დაშლის/გაფუჭების სხვადასხვა ეტაპებს. თავდაპირველად პროცესმა შეიძლება გავლენა მოახდინოს მხოლოდ კბილის გარე ფენაზე, რომელსაც მინანქარს უწოდებენ. პროგრესირებისას ის დაიწყებს გადაადგილებას დენტინში (მინანქრის ქვემოთ) და საბოლოოდ პულპაში. პულპა არის თქვენი კბილის შიდა ნაწილი, რომელიც შედგება შემაერთებელი ქსოვილისგან და როდესაც დაშლა ამ დონეს მიაღწევს, ხშირად საჭიროა სტომატოლოგიური ჩარევა.

კბილების გაფუჭების სხვადასხვა მიზეზები

კბილის ტკივილი ასევე შეიძლება გამოწვეული იყოს სხვა მიზეზებით, როგორიცაა აბსცესი. ეს ხდება მაშინ, როდესაც რბილობი ინფიცირდება და ჩირქი ქმნის ჯიბეს ფესვის გარშემო. აბსცესი თავისთავად არ გაუმჯობესდება და მკურნალობისგან თავის არიდებას შეიძლება სერიოზული შედეგები მოჰყვეს. კბილის ტკივილი ასევე შეიძლება გამოწვეული იყოს ღრძილების დაავადებით, ინფიცირებული ღრძილებით, დაზიანებული შიგთავსით, კბილების უხეში გახეხვით (ბრუქსიზმით) ან კბილის მოტეხილობით.

რატომ არ უნდა უგულებელყოთ კბილის ტკივილი

ხშირად მოგვსვლია აზრი, ყურადღება არ მივაქციოთ კბილის ტკივილს იმ იმედით, რომ ისინი თავისთავად გაქრება. ბევრი ადამიანი ცდილობს უგულებელყოს ტკივილი, რადგან მათ არ სურთ სტომატოლოგთან ვიზიტი. თუმცა, კბილის ტკივილის უგულებელყოფამ შეიძლება ბევრად უფრო სერიოზული პრობლემები გამოიწვიოს. განსაკუთრებით სერიოზულია ღრძილების ინფექციის ან ჩირქოვანი ინფექციის რისკი. ეს ინფექციები შესაძლოა გავრცელდეს თქვენი კბილიდან ყბის ძვალზე და შემდეგ თქვენი სხეულის სხვა ნაწილებში.

თუ გაქვთ მაღალი სიცხე, სწრაფი გულისცემა და/ან ყლაპვის გაძნელება, უნდა მიმართოთ სასწრაფო დახმარებას, რადგან ეს შეიძლება მიუთითებდეს სერიოზულ ინფექციაზე, რომელიც საჭიროებს სასწრაფო სამედიცინო დახმარებას.

რა უნდა გააკეთო სტომატოლოგთან მისვლამდე

სანამ სტომატოლოგთან ვიზიტს ჩანიშნავთ, შესაძლოა დაგჭირდეთ ტკივილის დროებითი შემსუბუქება.ურეცეპტოდ გასაცემი ტკივილგამაყუჩებელი საშუალებები, როგორიცაა იბუპროფენი ან ასპირინი, შეიძლება სასარგებლო იყოს ერთჯერადად მისაღებად. გაითვალისწინეთ, რომ ტკივილგამაყუჩებელზე დიდი ხნის განმავლობაში ვერ იქნებით დამოკიდებული და აუცილებელია პრობლემის აღმოფხვრა.სახლის პირობებში კარგია ცივი კომპრესის გამოყენება ყბაზე. მარილიანი წყლის გამოვლება ასევე ერთ-ერთი საუკეთესო შინაური საშუალებაა. გამოიყენეთ ნახევარი ჩაის კოვზი მარილი 1 ჭიქა თბილ წყალთან ერთად და გამოივლეთ მინიმუმ 30 წამის განმავლობაში.

როგორ შეგვიძლია დაგეხმაროთ ჩვენ

როდესაც ჩვენთან სასწრაფოდ დანიშნავთ შეხვედრას, ყველაფერს გავაკეთებთ იმისათვის, რომ რაც შეიძლება მალე დავიწყოთ მკურნალობა.საჭიროების შემთხვევაში, შეგვიძლია ციფრული რენტგენის გადაღება.მას შემდეგ რაც დავადგენთ თქვენი კბილის ტკივილის მიზეზს,  შევიმუშავებთ მკურნალობის გეგმას, რომელიც შეიძლება მოიცავდეს  დაბჟენას, ღრძილების მკურნალობას, ანტიბიოტიკურ მკურნალობას ან სხვა ვარიანტებს კონკრეტული სიტუაციიდან გამომდინარე.

საბოლოოდ, აუცილებელია აღინიშნოს შემდგომში პირის ღრუს ჰიგიენის დაცვა, რათა თავიდან აიცილოთ ახალი ან გაუარესებული სტომატოლოგიური პრობლემები. ეს მოიცავს დღეში ორჯერ გახეხვას და დღეში ერთხელ ფლოსების, ანუ კბილის ძაფით წმენდას.

ჩასაწერად დაგვიკავშირდით.

ოდესმე განგიცდიათ ნერვიულობა სტომატოლოგთან ვიზიტის წინ? თქვენ არ ხართ ერთადერთი.სტომატოლოგიური შფოთვა ძალზე გავრცელებულია ყველა ასაკის პაციენტებში. მიზეზის მიუხედავად, ვეცდებით ვისაუბროთ გამოსავალზე და დაგეხმაროთ კომფორტულად იგრძნოთ თავი სტომატოლოგების გარემოცვაში.

სტომატოლოგიური შფოთვის გამომწვევი მიზეზები შესაძლოა იყოს:

• ○ ადრინდელი უარყოფითი სტომატოლოგიური გამოცდილება

• ○ მოლოდინი, რომ მკურნალობა მტკივნეული იქნება

• ○ მოლოდინი, რომ სტომატოლოგი განგსჯით არასათანადოდ დაცული ჰიგიენის ან დაგვიანებული ვიზიტის გამო.

როგორ მოქმედებს სტომატოლოგიური შფოთვა პირის ღრუს ჯანმრთელობაზე?

მიუხედავად იმისა, რომ სტომატოლოგიური შფოთვა თავისთავად არ იწვევს პირის ღრუს პრობლემებს,არის შანსი, რომ შიშის გამო გადადებულმა/დაგვიანებულმა ვიზიტებმა გამოიწვიონ ან გაართულონ უკვე მიმდინარე სტომატოლოგიური პრობლემა. ჩვენ წლების განმავლობაში ვმუშაობდით ბევრ პაციენტთან, რომლებმაც თავი აარიდეს მკურნალობას ან თუნდაც რუტინულ გამოკვლევას სტომატოლოგიური შფოთვის გამო. როდესაც ეს ხდება, პრობლემა მწვავდება და საჭიროებს უფრო კომპლექსურ სტომატოლოგიურ ჩარევას.

რა არის სტომატოლოგიური შფოთვის საფრთხე?

სტომატოლოგიური შფოთვის ყველაზე დიდი საფრთხე არის ის, რომ ის გავლენას მოახდენს თქვენს პირის ღრუს ჯანმრთელობაზე გამოტოვებული ან გადადებული ვიზიტების გამო.ამან შესაძლოა გამოიწვიოს…

• ○ კბილის დაკარგვა
• ○ კარიესი
• ○ ღრძილების დაავადებები
• ○ ძვლის განლევა და ა.შ

სტომატოლოგიური შფოთვის მართვა

თუ თქვენ განიცდით სტომატოლოგიურ შფოთვას ვიზიტის წინ, აცნობეთ ჩვენს გუნდს, რომ ნერვიულობთ.ჩვენ წლების განმავლობაში ვმუშაობდით მსგავსი პრობლემის მქონე პაციენტებთან, შესაბამისად ჩვენი პროფესიონალი ექიმები მზად დაგეხმარონ, მაქსიმალურად კომფორტულად იგრძნოთ თავი.ჩვენ გვესმის, რომ შეიძლება გარკვეული პერიოდი იყოს გასული თქვენი წინა ვიზიტიდან, ან პირველად გეგმავთ სტომატოლოგთან სტუმრობას.

როგორ დაგეხმარებათ “დანბლანშის” გუნდი სტომატოლოგიური შფოთვის დაძლევაში:

○ ვიზიტები მიმდინარეობს სტომატოტლოგის მხრიდან ყოველგვარი განსჯის გარეშე

○ მიიღებთ პასუხს  მანიპულაციებთან დაკავშირებულ ყველა კითხვაზე
○ საუკეთესო ანესთეტიკური საშუალებები

○ კომფორტული და ფერადი სტომატოლოგიური კაბინეტი

○ გადახდის მრავალფეროვანი ვარიანტი

○ მაღალტექნოლოგიური, თანამედროვე სტომატოლოგიური ინსტრუმენტები რომელიც გამოსცემს ნაკლებ ხმაურს, რათა თავი უფრო კომფორტულად და მშვიდად იგრძნოთ

რა დაგეხმარებათ თვითდამშვიდებაში?

•  ○ სუნთქვის ტექნიკის გამოყენება დაგეხმარებათ მოდუნებაში.

• ○ უშუალოდ მანიპულაციის მიმდინარეობისას შეგიძლიათ მოითხოვოთ შესვენება

•  ○ სტომატოლოგთან ვიზიტისას დამხმარე პირის მოყვანა და მისი მხარდაჭერა, შეგიმცირებთ ნეგატიურ განცდებს.

ვიზიტის დასაჯავშნად დაგვიკავშირდით.

სტომატოლოგიური მედიცინის სფერო, ეძღვნება პირის ღრუს ჯანმრთელობის შენარჩუნებას და გაძლიერებას. ამ სფეროში, ერთ-ერთი ყველაზე მნიშვნელოვანი ასპექტია რეგულარული სტომატოლოგიური შემოწმება. სტომატოლოგთან რეგულარული ვიზიტები გადამწყვეტ როლს თამაშობს ჯანსაღი კბილების შენარჩუნებაში, პირის ღრუს პრობლემების თავიდან აცილებაში და პოტენციური პრობლემების ადრეულ ეტაპზე მოგვარებაში. ამ სტატიაში ჩვენ განვიხილავთ რუტინული ვიზიტების მნიშვნელობას და მათ სარგებელს.

პრევენციული  მოვლა: პირის ღრუს ჯანმრთელობის საფუძველი

პრევენცია თანამედროვე სტომატოლოგიის ცენტრში დგას, ხოლო რეგულარული სტომატოლოგიური შემოწმება, პრევენციული სტომატოლოგიის  ქვაკუთხედია. ამ ვიზიტების დროს სტომატოლოგები ატარებენ თქვენი პირის ღრუს ყოვლისმომცველ გამოკვლევებს, სრულყოფილად ათვალიერებენ მას და ეძებენ პოტენციურ პრობლემებს. ამ პრობლემების ადრეული გამოვლენა იძლევა სწრაფი ჩარევის შესაძლებლობას, რაც ამცირებს გრძელვადიანი და დამღლელი მკურნალობის საჭიროებას.

კბილის პროფესიონალური წმენდა

პირის ღრუს ჰიგიენის შესანიშნავი პრაქტიკის პირობებშიც კი, ნადები და კბილის ქვა მაინც შეიძლება დაგროვდეს პირის ღრუს ძნელად მისადგომ ადგილებში.კბილის პროფესიონალური წმენდა ხელს უწყობს ამ ჯიუტი ნადების მოცილებას, ამცირებს კარიესის და ღრძილების დაავადების რისკს. სტომატოლოგიური ჰიგიენისტები იყენებენ სპეციალიზირებულ ინსტრუმენტებს კბილების გასაწმენდად და გასაპრიალებლად, რაც თქვენს ღიმილს განაახლებს და კაშკაშას ხდის.

ფარული სტომატოლოგიური პრობლემის იდენტიფიცირება

ყველა სტომატოლოგიური პრობლემა მაშინვე არ ვლინდება და არ იწვევს შესამჩნევ სიმპტომებს. რეგულარული სტომატოლოგიური შემოწმება საშუალებას აძლევს სტომატოლოგს აღმოაჩინოს ისეთი პრობლემები, რომლებიც შეიძლება იმალებოდეს კბლიის ხილული ზედაპირის ქვეშ, როგორიცაა მცირე ღრუები,მოტეხილობა ან ბრუქსიზმის ნიშნები.ამ პრობლემების ადრეული იდენტიფიცირება საშუალებას იძლევა  გამოყენებული იქნეს ნაკლებად ინვაზიური და უფრო ეფექტური მკურნალობა.

ღრძილების დაავადებების გამოვლენა და მკურნალობა

ღრძილების დაავადებები პირის ღრუს ჯანმრთელობის გავრცელებული პრობლემაა, რომელსაც სერიოზული ზიანის მოტანა შეუძლია.სტომატოლოგიური შემოწმების დროს თქვენი სტომატოლოგი შეაფასებს თქვენი ღრძილების მდგომარეობას, შეაფასებს ანთების, სისხლდენის და ღრძილების რეცესიის ნიშნებს. ღრძილების დაავადების ადრეული გამოვლენა სასიცოცხლოდ მნიშვნელოვანია, რადგან მისი გამწვავება გამოიწვევს კბილების დაკარგვას. დროული მართვა და პირის ღრუს სათანადო მოვლა დაგეხმარებათ თავიდან აიცილოთ შემდგომი დაზიანება და შეინარჩუნოთ თქვენი ბუნებრივი კბილები.

თქვენი პირის ღრუს ჯანმრთელობაზე მორგებული რჩევები

სტომატოლოგები არა მხოლოდ სვამენ დიაგნოზს და მკურნალობენ სტომატოლოგიურ პრობლემებს, არამედ გასცემენ პირის ღრუს მოვლის პერსონალურ, ინდივიდუალურ რჩევებს.მათ შეუძლიათ მოგცენ კონკრეტული და მხოლოდ თქვენს პირის ღრუზე გათვლილი მითითებები კბილების მგრძნობელობის, უსიამოვნო სუნთქვისა და პირის სიმშრალის დასაძლევად.ასევე მოგცენ ინსტრუქციები სათანადო გახეხვასა და ძაფით გაწმენდის ტექნიკის შესახებ. თქვენმა სტომატოლოგმა შეიძლება ასევე გირჩიოთ ცხოვრების წესის შეცვლა ან თქვენს საჭიროებებზე მორგებული სპეციფიკური სტომატოლოგიური პროდუქტები, რაც დაგეხმარებათ პირის ღრუს ჯანმრთელობის შენარჩუნებაში.

პოზიტიური ურთიერთობის დამყარება შიშის ფაქტორის დაძლევა.

ბევრი ადამიანისთვის, სტომატოლოგიურმა ვიზიტებმა შეიძლება გამოიწვიოს შფოთვა ან შიში. თუმცა, რეგულარული გამოკვლევების დაგეგმვით, თქვენ გაქვთ შესაძლებლობა დაამყაროთ პოზიტიური და სანდო ურთიერთობა თქვენს სტომატოლოგთან და სტომატოლოგიურ გუნდთან. დროთა განმავლობაში, ეს აუცილებლად შეამსუბუქებს სტომატოლოგიურ შფოთვას და გახდის მომავალ ვიზიტებს უფრო კომფორტულს და სტრესისგან თავისუფალს.

დასასრულს, რეგულარულ სტომატოლოგიური შემოწმებას უამრავი პრობლემის თავიდან აცილება შეუძლია. რეგულარული ვიზიტები არა მხოლოდ ეხმარება ჯანსაღი ღიმილის შენარჩუნებას, არამედ ხელს უწყობს თქვენს საერთო კეთილდღეობას, რადგან პირის ღრუს ჯანმრთელობა მჭიდროდ არის დაკავშირებული სისტემურ ჯანმრთელობასთან.
ვიზიტის დასაჯავშნად დაგვიკავშირდით

"დანბლანშის" დამაარსებელი და კლინიკური ხელმძღვანელი თამარ ყურაშვილი და ექიმი იმპლანტოლოგი, ალექსანდრე კილასონია გასულ კვირას, საქმიანი ვიზიტით სამხრეთ კორეას, სეულს ესტუმრნენ.

 ვიზიტი ჩატარდა GAO Global Academy of Osseointegration  ორგანიზებით.

ექიმები იმყოფებოდნენ საიმპლანტაციო სისტემის Neobiotech Global  -ის სათაო ოფისში, სადაც მოინახულეს Neobiotech- ნეობიოტეკის იმპლანტების წარმოების უნიკალური, სრულიად რობოტიზირებული პროცესი და ულტრათანამედროვე ქარხანა.

ექიმი თამარ ყურაშვილი გვიყვება, რომ შეხვედრა პროფესიული განვითარების თვალსაზრისით, ინფორმაციულად ძალიან მნიშვნელოვანი და საინტერესო იყო. მიღებული ტექნიკური ინფორმაცია ჩამოსვლისთანავე დაინერგება ჩვენს მოწინავე, მაღალტექნოლოგიურ სტომატოლოგიურ კლინიკაში.

ექიმმა გვიამბო, რომ 2 დღე სრულიად დაეთმო პროფესიულ საქმიანობას, ხოლო შემდეგ შემეცნებით - გასართობ ფორმატში გაგრძელდა. ხაზგასასმელია Neobiotech- ნეობიოტეკის იმპლანტების წარმოების ქარხნის უნიკალურობა.მაღალტექნოლოგიურობასთან ერთად, ექიმი მიიჩნევს, რომ თანამშრომლებისთვის კომფორტული გარემოა შექმნილი განსატვირთად.შევხვდებით დასასვენებელ და გასართობ ოთახებსაც,  როგორიცაა ტენისი, ბილიარდი.

ცოტა რამ სამხრეთ კორეის კულტურულ და სოციალურ ცხოვრებაზეც გვიამბო.როგორც ირკვევა, ამ ულტრათანამედროვე ქვეყნის ძირითადი შემოსავალი მთლიანად ადამიანურ რესურსზე დგას, განვითარებულია მედიცინა.მაღალ დონეზეა აყვანილი სისუფთავე, რაც ტურისტულად კიდევ უფრო მიმზიდველს ხდის ქალაქს.

ექიმები მადლობას უხდიან Neobiotech Global Inc, და Gaoforum Kim-ს მოწვევისთვის.

პირის ღრუს ჯანმრთელობის დაცვა მნიშვნელოვანია წელიწადის ყველა დროს. ამ შემთხვევაში, არც ზაფხულია გამონაკლისი, რადგან პირის ღრუს მოვლისგან შვებულების აღება ნამდვილად არ არის კარგი გადაწყვეტილება.
ზაფხულის თბილი თვეების მოახლოვებასთან ერთად, აუცილებელია განსაკუთრებული ყურადღება მივაქციოთ პირის ღრუს სიჯანსაღეს. გაზრდილი გარე აქტივობების ერთობლიობამ, კვებითი ჩვევების ცვლილებამ და სხვადასხვა ელემენტებთან ზემოქმედებამ შეიძლება შექმნას უნიკალური გამოწვევები ჯანსაღი ღიმილის შესანარჩუნებლად.რამდენიმე მარტივი რჩევით, შეგიძლიათ ისიამოვნოთ ზაფხულის სეზონით, ხოლო თქვენი პირის ღრუს ჯანმრთელობა მნიშვნელოვნად გაუმჯობესდება.რუჯს არაფერი უხდება ისე, როგორც ჯანსაღი, ქათქათა ღიმილი, რომელიც შეუმჩნეველი არავის დარჩება.

წყლის საკმარისი რაოდენობით მიღება არის გასაღები:
ჰიდრატაცია გადამწყვეტია როგორც თქვენი ჯანმრთელობისთვის, ასევე პირის ღრუს კეთილდღეობისთვის. ტემპერატურის მატებასთან ერთად, ადვილია დეჰიდრატაცია, რამაც შეიძლება გამოიწვიოს პირის სიმშრალე. პირის სიმშრალე, ანუ ქსეროტომია, ქმნის გარემოს, სადაც მავნე ბაქტერიები ვითარდება.ასეთი გარემო კი ზრდის კბილების გაფუჭებისა და ღრძილების დაავადების რისკს. დალიეთ საკმარისი რაოდენობის წყალი მთელი დღის განმავლობაში, რათა შეინარჩუნოთ პირის ღრუს ტენიანობა და ნერწყვის გადინება, რაც ხელს შეუწყობს კბილების ბუნებრივ წმენდას და რემინერალიზაციას.არ დაგავიწყდეთ, რომ პირობითად 2ლ წყალი შესაძლოა თქვენთვის საკმარისი არ იყოს, ან სულაც ჭარბ რაოდენობას წარმოადგენდეს თქვენი ორგანიზმისთვის, ამიტომ აუცილებელია თქვენი სხეულის მასის გათვალისწინებით გამოითვალოს წყლის დღიური სამარისი რაოდენობა.

საზაფხულო კვებითი ჩვევები:
ზაფხული ბევრი ადამიანისთვის ბარბექიუს, ნაყინის, გამაგრილებელი სასმელებისა და შაქრიანი კერძების სინონიმია. მიუხედავად იმისა, რომ მაცდურია ამ სიამოვნების მიღება, გაიაზრეთ თქვენი არჩევანი და მათი გავლენა პირის ღრუს ჯანმრთელობაზე. შეზღუდეთ შაქრიანი და მჟავე საკვების მიღება, რადგან ისინი ხელს უწყობენ მინანქრის ეროზიას და კბილების გაფუჭებას. აირჩიე ტკბილის ალტერნატივები, როგორიცაა ახალი ხილი, ბოსტნეული, რძის პროდუქტები და უშაქრო ნამცხვრები. გარდა ამისა, მჟავე ან შაქრიანი საკვების მიღების შემდეგ, დაელოდეთ დაახლოებით 30 წუთი კბილების გახეხვამდე, რათა ნერწყვმა ბუნებრივად გაანეიტრალოს მჟავები.

დაიცავი შენი ღიმილი:
გარე აქტივობები და სპორტი საზაფხულო გართობაა. ზაფხულში ხშირად ვკავდებით პლიაჟის ხელბურთით, ჩოქბურთით,  ვსეირნობთ ველოსიპედებით და უამრავი სპორტული აქტივობებით ვართ დაკავებული.ჩვენი ღიმილის დაცვა პოტენციური უბედური შემთხვევებისგან აუცილებელია. სასურველია აქტიურად გამოვიყენოთ პირის ღრუს დამცავი ბალიშები, რომლებიც მარტივად თავსდება პირის ღრუში და ამცირებს უბედური შემთხვევის დროს კბილების დამტვრევის, ყბის მოტეხილობის ან პირის ღრუს სხვა დაზიანებების ალბათობას. სრულყოფილი დაცვისა და კომფორტისთვის ,არ უნდა დავაიგნოროთ უსაფრთხოების წესები, რომლებიც ზაფხულს კიდევ უფრო დაუვიწყარს გახდის.

არ დაგავიწყდეთ პირის ღრუს ჰიგიენის დაცვა:
პირის ღრუს ჰიგიენის თანმიმდევრული რუტინის დაცვა გადამწყვეტია მთელი წლის განმავლობაში და ზაფხული ნამდვილად არ არის გამონაკლისი. გაიხეხეთ კბილები დღეში ორჯერ მაინც,სასურველია ფტორის შემცველი კბილის პასტის და რბილი ჯაგარისის გამოყენებით.არ დაგავიწყდეთ ენის გაწმენდაც ნაზად, რადგან ისიც შეიცავს ბაქტერიებს, რომლებიც პასუხისმგებელნი არიან უსიამოვნო სუნზე პირის ღრუში. გამოიყენეთ ძაფები (ფლოსები) ყოველდღიურად, რათა სრულყოფილად მოიცილოთ ნადები და საკვების ნაწილაკები კბილებს შორის და ღრძილების გასწვრივ. სასურველია პირის ღრუს ირიგატორის გამოყენება, როგორც თქვენი პირის ღრუს ჰიგიენის ნაწილი, დამატებითი დაცვისთვის.

დაგეგმეთ სტომატოლოგიური გამოკვლევები:
ზაფხული იდეალური დროა თქვენი რუტინული სტომატოლოგიური გამოკვლევისთვის. სტომატოლოგთან რეგულარული ვიზიტები დაგეხმარებათ აღმოაჩინოთ და თავიდან აიცილოთ პოტენციური სტომატოლოგიური პრობლემები, სანამ ისინი გაუარესდება. პროფესიონალური წმენდა აშორებს ნადების დაგროვებას, ამცირებს ღრძილების დაავადების და კბილების გაფუჭების რისკს. გარდა ამისა, ჩვენ შეგვიძლია მოგაწოდოთ პერსონალური რჩევები ზაფხულის განმავლობაში, პირის ღრუს ოპტიმალური ჯანმრთელობის შესანარჩუნებლად, თქვენს კონკრეტულ საჭიროებებზე მორგებით.

საბოლოოდ,როგორც დავრწმუნდით, ზაფხულში პირის ღრუს ჯანმრთელობაზე ზრუნვა მოითხოვს სხვადასხვა ჩვევების კომბინაციას და რეგულარულ სტომატოლოგიურ ვიზიტებს. ჰიდრატაციის შენარჩუნებით, გონივრული კვებითი არჩევანის გაკეთებით, ფიზიკური აქტივობის დროს თქვენი ღიმილის დაცვით, პირის ღრუს რუტინული ჰიგიენის დაცვით და  გამოკვლევების დაგეგმვით, შეგიძლიათ უზრუნველყოთ ჯანსაღი და კაშკაშა ღიმილი მთელი სეზონის განმავლობაში.

მიიღეთ ზაფხულისგან მაქსიმალური სიამოვნება, დაგეგმეთ ვიზიტი ჩვენთან და კიდევ უფრო მეტი თავდაჯერებით შეეგებეთ მთელი წლის ნანატრ დასვენებას.

კბილების გახეხვა, განურჩევლად ასაკისა, ყველა ადამიანის დილის რუტინის განუყოფელი ნაწილია, თუმცა დარწმუნებული ხართ, რომ ამ რუტინულ პროცედურას სწორად იტარებთ?სტომატოლოგები გვირჩევენ კბილების გახეხვის ოქროს 2/2 წესს. მარტივად-ორი წუთი, დღეში ორჯერ, წრიული მოძრაობით, ზემოდან ქვემოთ.როგორც წესი, ყოველდღიურ ცხოვრებაში, რაც უფრო ძლიერად,საფუძვლიანად იხეხება ზედაპირები თუ საყოფაცხოვრებო ნივთები,მით უფრო სუფთაა ისინი, მაგრამ ეს არავითარ შემთხვევაში არ ეხება ჩვენს პირის ღრუს.

ძლიერმა და აგრესიულმა გახეხვამ შეიძლება გამოიწვიოს კბილების სერიოზული დაზიანება. მიუხედავად იმისა, რომ აღდგენითი სტომატოლოგიური მკურნალობა ჩვენთან შესაძლებელია, აგრესიული ხეხვით გამოწვეული ზიანის თავიდან აცილება საუკეთესო გამოსავალია. ჩვენი საყვარელი ფილმიდან “კარატისტი ბავშვი”კარატეს ოსტატი, მიაგი გვასწავლის:  “ უფრო ძლიერად,უფრო უხეშად არ ნიშნავს უფრო ეფექტურად” მოდით, დავფიქრდეთ ოსტატის სიტყვებზე.

კბილების აგრესიულმა, უხეში მოძრაობებით გახეხვამ ჰიგიენის გაუმჯობესების ნაცვლად, შესაძლოა დიდი ზიანი მიაყენოს ჩვენს კბილებსა და ღრძილებს.ხისტი და უხეში ჯაგრისების გამოყენებას შეუძლია ღრძილიდან სისხლდენის, მომატებული მგრძნობელობის და მთელი რიგი სტომატოლოგიური პრობლემების გამოწვევა. ასე რომ, ნუ მოვექცევით კბილებს უხეშად, ისინი მგრძნობიარეები არიან - უფრო სწორად, ისინი გახდებიან მგრძნობიარე და გამოიწვევენ ტკივილს თუ სწორად გახეხვის წესებს უგულვებელვყოფთ.

Შეანელეთ

სტრესმა, შფოთვამ და დილის ჩვეულმა სიჩქარემ, რომ დროულად დავასრულოთ თავის მოვლა და სამსახურში გავიქცეთ, შეიძლება გაუცნობიერებლად გამოიწვიოს უხეში , ნაჩქარევი ხეხვა.ჩვენი რჩევაა,ღრმად ამოისუნთქოთ და კბილების გახეხვისას, ყოველ ჯერზე დაუთმოთ საკუთარ თავს მხოლოდ 2 წუთი. ნაზი ხელი სასარგებლოა კბილებისთვის - ამბობენ  ექსპერტები. ნაზად გახეხვა ბევრად უფრო უკეთ აშორებს ნადებს, ზიანის მიყენების გარეშე. თუ თქვენ იყენებთ ელექტრო კბილის ჯაგრისს, ერთ-ერთი მთავარი ხრიკია, რომ  ის დაიჭიროთ მხოლოდ სამი თითით, წნევის შესამსუბუქებლად და ნაზი გასუფთავებისთვის.

დაემშვიდობეთ უხეშ ჯაგრისს

ფიქრობთ, რომ უხეში ჯაგრისები უკეთ მოაშორებენ ნადებს? ცდებით. ასეთ ჯაგრისებს მეტი ყურადღება სჭირდება სწორი მანევრისთვის. თუ ახლახანს შეძენილი, საკმაოდ ძვირადღირებული ჯაგრისი უხეშად გეჩვენებათ, ხეხვისას სცადეთ თითის ბალიშის გადატანა ზევით. თუ უშუალოდ  ჯაგრისის პირი ადვილად არ იხრება თითით დაწოლისას, დიდი შანსია, რომ თანხა ფუჭად გადაყარეთ და სჯობს გამოცვალოთ.

რეგულარულად განაახლეთ

შეცვალეთ კბილის ჯაგრისი ყოველ 2 თვეში - და აუცილებლად,სანამ ჯაგრისი ფორმას დაკარგავს. ამ გზით, თქვენ გარანტირებული გაქვთ უსაფრთხო და ეფექტური ხეხვის პროცესი.

ახლა, როცა უკვე შეისწავლეთ კბილების გახეხვის ოსტატური ტექნიკა,ნუ დაივიწყებთ ფლოსებსა და ირიგატორს,რომლებიც ჩვენს ქვეყანაში შედარებით ახალი ნივთებია პირის ღრუს სრულყოფილი მოვლისთვის და რომელთა შესახებ,აუცილებლად ვისაუბრებთ შემდეგ სტატიაში.

ენდოდონტია არის სტომატოლოგიის სპეციალიზებული დარგი, რომელიც ფოკუსირებულია პულპსა და მიმდებარე ქსოვილებზე მოქმედი დაავადებებისა და დაზიანებების დიაგნოსტიკაზე, პრევენციასა და მკურნალობაზე. კბილის პულპა არის რბილი ქსოვილი კბილის შიგნით, რომელიც შეიცავს ნერვებს, სისხლძარღვებს და შემაერთებელ ქსოვილს.

ენდოდონტია სწრაფად განვითარებადი სფეროა და პირველ რიგში,მოიაზრებს ფესვის არხის თერაპიას. ეს პროცედურა გულისხმობს ინფიცირებული ან დაზიანებული კბილის პულპის ამოღებას კბილიდან, ფესვის არხების გაწმენდას და დეზინფექციას, შემდეგ კი მათ შევსებას და დალუქვას შემდგომი ინფექციის თავიდან ასაცილებლად. ენდოდონტისტები ასევე ატარებენ ოპერაციებს, როგორიცაა აპიკოექტომია (კბილის ფესვის წვერის მოცილება) და მკურნალობენ მრავალი სახის სტომატოლოგიურ ტრავმებს.
ჩვენს კლინიკაში დაინერგა ფესვის არხის თერაპიის , COXO-ს ბრენდის უახლესი სმარტ ტექნოლოგია,რომელიც ექიმს საშუალებას აძლევს კიდევ უფრო მეტი სიზუსტით,სწრაფად და უმტკივნეულოდ დაამუშავოს ფესვის არხი.
რაც შეეხება სიახლეებს ენდოდონტიის სფეროში, აქ არის რამდენიმე საყურადღებო მოვლენა:

რეგენერაციული ენდოდონტია: მკვლევარები მუშაობენ რეგენერაციულ ტექნიკაზე, ახალი კბილის პულპის ზრდის სტიმულირებისთვის და დაზიანებული ქსოვილების შეხორცების ხელშეწყობისთვის. ამან შეიძლება პოტენციურად უზრუნველყოს ფესვის არხების ტრადიციული თერაპიის ალტერნატივა.

კონუსური სხივის კომპიუტერული ტომოგრაფია (CBCT): CBCT გამოსახულება ხდება სულ უფრო ღირებული ინსტრუმენტი ენდოდონტიაში. ის უზრუნველყოფს კბილების და მიმდებარე სტრუქტურების დეტალურ 3D სურათებს, ეხმარება დიაგნოზის დასმას და შესაბამისი მკურნალობის დაგეგმვას.

ბიოკერამიკული მასალები: ბიოკერამიკული სეილერები და ფესვის არხის შემავსებელი მასალები ბოლო წლებში პოპულარული გახდა. ამ მასალებს აქვთ უმაღლესი დალუქვის(ფესვის არხის დახურვის) თვისებები, ანტიმიკრობული ეფექტი და ბიოთავსებადობა, რაც იწვევს გაუმჯობესებულ შედეგებს და გრძელვადიან წარმატებას.

ზუსტი და მინიმალური ინვაზიური ტექნიკა: ტექნოლოგიურმა მიღწევებმა, როგორიცაა გამადიდებელი მოწყობილობები და ულტრაბგერითი ინსტრუმენტები, საშუალება მოგვცეს უფრო ზუსტი და მინიმალურად ინვაზიური ენდოდონტიური პროცედურები ჩავატაროთ.ამ მხრივ ჩვენი გუნდი აქტიურად ეცნობა ბოლო სიახლეებს და ნერგავს თანამედროვე ტექნიკას ყოველ პროცედურაში.

მიკრობული ტესტირება და მკურნალობა: ბაქტერიების როლის გაგება ენდოდონტიურ ინფექციებში  მნიშვნელოვნად განვითარდა. მიკრობული ტესტირების ტექნიკა გვეხმარება მუდმივ ინფექციებთან დაკავშირებული კონკრეტული ბაქტერიების იდენტიფიცირებასა და მიზანმიმართული მკურნალობის შემუშავებაში.

მნიშვნელოვანია აღინიშნოს, რომ ენდოდონტიის სფერო მუდმივად ვითარდება, მიმდინარე კვლევებითა და მიღწევებით, რომლებიც მიმართულია მკურნალობის შედეგების, პაციენტის კომფორტისა და ენდოდონტიური პროცედურების კიდევ უფრო მეტად გაუმჯობესებისკენ.

გნათოლოგია წარმოადგენს სტომატოლოგიის თანამედროვე,თუმცა არახალ დარგს, რომელიც ფოკუსირებულია ყბის სახსრებთან (TMD), ოკლუზიასთან  და ყბის კუნთებთან დაკავშირებული დარღვევების შესწავლასა და მკურნალობაზე. ის ასევე ცნობილია, როგორც კრანიოფიალური ტკივილი.გნათოლოგია მოიცავს იმ სიმპტომების დიაგნოზს, მართვას და მკურნალობას, რომლებიც გავლენას ახდენენ ყბის სახსრების სწორ ფუნქციონირებაზე და ზედა და ქვედა კბილებს შორის ურთიერთობაზე. ის ეხება ისეთ პრობლემებს, როგორიცაა ყბის ტკივილი, ყბაში დაწკაპუნების ან ამოვარდნის ხმები, პირის გახსნის ან დახურვის სირთულე, თავის ტკივილი, სახის ტკივილი და სხვა სიმპტომები, რომლებიც დაკავშირებულია ყბის სახსართან.გნათოლოგია მჭიდრო კავშირშია სტომატოლოგიის თითქმის ყველა დარგთან,იქნება ეს ორთოდონტია,ორთოპედია ,თერაპია თუ ბევრი სხვა მიმართულება.

სტომატოლოგები, რომლებიც სპეციალიზირებულნი არიან გნათოლოგიაში, საერთაშორისო ტერმინით კი-TMD სპეციალისტები, იყენებენ სხვადასხვა დიაგნოსტიკურ ტექნიკას პაციენტის ყბის სახსრის ფუნქციის, ოკლუზიის და მასთან დაკავშირებული კუნთების მდგომარეობის შესაფასებლად. მათ შეუძლიათ გამოიყენონ ისეთი მეთოდები, როგორიცაა ფიზიკური გამოკვლევა, ვიზუალიზაციის კვლევები და ელექტრომიოგრაფია (EMG) პაციენტის მდგომარეობის ზუსტად შესაფასებლად.გნათოლოგიაში მკურნალობის ვარიანტები შეიძლება განსხვავდებოდეს კონკრეტული დიაგნოზისა და მდგომარეობის სიმძიმის მიხედვით. ისინი შეიძლება შეიცავდეს კონსერვატიულ მიდგომებს, როგორიცაა ცხოვრების წესის ცვლილებები, სტრესის მართვის ტექნიკა, ფიზიოთერაპიის ვარჯიშები და პირის ღრუს სამაგრების ან პირის ღრუს სხვადასცვა დამცავი საშუალებების გამოყენება. უფრო მძიმე შემთხვევებში ,გნათლოგებმა შეიძლება გირჩიონ ორთოდონტიული მკურნალობა, კბილების აღდგენა ან ქირურგიული ჩარევაც კი.გნათოლოგიური მკურნალობის საჭიროების მქონე პაციენტებში, ყბისა და  კბილთა სისტემის ორგანოებისა და ქსოვილების პრობლემებმა, შესაძლოა მრავალი  სხვადასხვა სიმპტომით იჩინოს თავი. ესენი შეიძლება იყოს:  დაჭიმულობა სახისა და სახსრის მიდამოში, პირის გაღების შეზღუდვა, შუილის მსგავსი ხმა  ყურებში, თავის ტკივილი (დილით) და ტკივილი საფეთქელსა და ქვედა ყბის სახსრის მიდამოში.  იმ შემთხვევაში, თუ  პაციენტს აწუხებს ქვემოთ ჩამოთვლილი სიმპტომებიდან ერთი, ან რამდენიმე, გნათოლოგიური მკურნალობის ჩატარება აუცილებელია. საჭიროა დაიგეგმოს  ვიზიტი გნათოლოგთან და მოხდეს  პაციენტის პირის ღრუს დათვალიერება და საჭიროებისამებრ დიაგნოსტიკური რენტგენის გადაღება სახსრების მიდამოში.

აღსანიშნავია, რომ მიუხედავად იმისა, რომ გნათოლოგია ძირითადად ფოკუსირებულია ყბის სახსრების მკურნალობაზე,როგორც ზემოთ აღინიშნა ის ასევე კვეთს სხვა სტომატოლოგიურ სპეციალობებს, როგორიცაა ორთოდონტია, პროთეზირება და ქირურგია, რათა უზრუნველყოს ყოვლისმომცველი მკურნალობა პაციენტებისთვის.გნათოლოგია არ არის სტომატოლოგიის ახალი ან ინოვაციური დარგი. უბრალოდ ტერმინი „გნათოლოგია“ დღეს ნაკლებად გამოიყენება და ჩვენს ქვეყანაში,ხშირად,ცალკე დარგად არ მოიხსენიებენ მისი მჭიდრო კავშირის გავლენით,სტომატოლოგიის ყველა მიმართულებასთან.გნათოლოგიური მკურნალობა რამდენიმე ათეული წელია სტომატოლოგიის ნაწილია.სპეციალისტები დიდი ხანია დაინტერესებულნი არიან ყბის სახსრებთან დაკავშირებული საკითხების გაგებითა და განხილვით, რადგან მათ შეუძლიათ მნიშვნელოვნად იმოქმედონ პირის პირის ღრუს ჯანმრთელობაზე და ზოგად,ორალურ კეთილდღეობაზე.დროთა განმავლობაში, კვლევის,თანამედროვე ტექნოლოგიების გავლენამ ხელი შეუწყო ამ სფეროში უფრო სპეციალიზებული ცოდნისა და ტექნიკის განვითარებას. ამან გამოიწვია სტომატოლოგების გაჩენა, რომლებიც ფოკუსირებულნი არიან კონკრეტულად გნათოლოგიასთან დაკავშირებულ პრობლემებზე.

ასე რომ, მიუხედავად იმისა, რომ თავად გნათოლოგია შეიძლება არ იყოს სტომატოლოგიის ახალი მიმართულება, სპეციალიზებულმა ცოდნის დაგროვებამ,დარგი ბოლო წლებში უფრო გამორჩეული და დახვეწილი გახდა.

21 აპრილს ჩატარდა სემინარი თემაზე “რთული კომპლექსური შემთხვევების ენდოდონტიური მკურნალობის ასპექტები”.სემინარს უძღვებოდა იტალიელი პროფესორი,სპიკერი,”style italiano  endodontic" -სის წევრი,დოქტორი ფაბიო გორნი.

შეხვედრას ესწრებოდა ჩვენი კლინიკის ხელმძღვანელი,თამარ ყურაშვილი და დანბლანშის ექიმები:ნინო მეკვილიშვილი და სალომე მაცაბერიძე.
ფაბიო გორნი არის ევროპის ენდოდონტთა საზოგადოების სპეციალისტი და ამერიკის ენდოდონტთა საზოგადოების აქტიური წევრი.
2003-2005 წლებში იყო იტალიის ენდოდონტთა საზოგადოების პრეზიდენტი,გახლავთ სპიკერი იტალიასა და მთელს მსოფლიოს საერთაშორისო სტომატოლოგიურ კონგრესებზე.გამოქვეყნებული აქვს მრავალი სამეცნიერი სტატია,დოქოტრ დოტთან თანამშრომლობით მან შექმნა სამეცნიერო ვიდეობის სერია სახელწოდებით “The Endodontic Game”,რომელიც გავრცელებულია ევროპაში,აშშ-ში,კანადასა და ავსტრალიაში.

შეხვედრაზე განხილული იქნა ენდოდონტიური მკურნალობის თანამედროვე მიდგომები, ფესვის არხის მკურნალობის უახლესი ტექნოლოგია,ფესვის არხის კომპლექსურ ანატომიასთან დაკავშირებული გამოწვევების მოგვარება,მათ შორის გამრუდებული,კალციფიცირებული არხები და ანატომიური ვარიაციები,წარუმატებელი ენდოდონტიური შემთხვევების განმეორებითი მკურნალობა,ენდოდონტიური მიკროქირურგია:ენდოდონტიური მიკროქირურგიის ჩვენებების,ტექნიკის განხილვა და ბევრი სხვა თემა.დოქტორი ფაბიოს ვიზიტი ქართველი ექიმებისთვის ძალიან მნიშვნელოვანია დარგის განვითარების თვალსაზრისით.”დანბლანშში”აქტიურად დაინერგება ყველა ის ინოვაციური მკურნალობის ხერხები,რომლებიც შეხვედრაზე იყო განხილული.
 

თეთრი,ლამაზი ღიმილი ჩვენი გარეგნობის უმნიშვნელოვანესი შტრიხია,რომელიც კიდევ უფრო სასურველი გახდა გაზაფხულის დადგომასთან ერთად.კბილების სიქათქათის დაკარგვა გავრცელებული პრობლემაა თანამედროვე ცხოვრებაში,რომელსაც მამაკაცები და ქალბატონები თანაბრად ვებრძვით.

ეს ყველგან მოსმენილი და კარგად დამკვიდრებული ფრაზა „ჰოლივუდის ღიმილი“ ჯერ კიდევ გასული საუკუნის 20-იან წლებში იქნა გამოყენებული ამერიკელი სტომატოლოგის ,ჩარლზ პინკუსის მიერ და სწორედ ამ დროს ჩაეყარა საფუძველი ესთეტიკურ სტომატოლოგიას ამერიკაში.დღეს“,ჰოლივუდის ღიმილი“ აღარ წარმოადგენს აუხდენელ ოცნებას,თუმცა აუცილებელია გათეთრების პროცედურა ჩატარდეს უახლესი ტექნოლოგიით,უსაფრთხოდ,პროფესიონალის მიერ.

ექიმი სტომატოლოგი, თამუნა ყურაშვილი გვიყვება,რომ გათეთრების 2 ძირითადი მეთოდი არსებობს:

არის ე.წ ოფის გათეთრება რომელიც ტარდება კლინიკაში,დანათების(flash) მეთოდით.პროცედურა დაახლოვებით 1 საათს გრძელდება და შესაძლებელია გათეთრება 2 - 6 ტონამდე.

სახლის გათეთრება ე.წ ჰოუმ ბლიჩინგი (home bleaching),ეს არის ინდივიდუალური კაპებით გათეთრება,როდესაც პაციენტი ექიმის დანიშნულებისამებრ იყენებს მათეთრებელ გელს სახლის პირობებში.

ჩვენთან ,საოფისე გათეთრების ჩატარებას ამერიკული უმაღლესი ხარისხის IBRITE LED WHITENING LIGHT აპარატისა და WHITER IMAGE გელის საშუალებით შეძლებ.
მხოლოდ მარტის თვეში,ჩვენ კბილების საოფისე გათეთრებას 650 ლარის ნაცვლად, სულ რაღაც 400 ლარად გთავაზობთ!

სტომატოლოგიური კლინიკა “დანბლანშის”გუნდს ახალი წევრი - სალომე მაცაბერიძე დაემატა.ექიმი სალომე,ბავშვთა და მოზრდილთა თერაპევტია.
სალომე აქტიურად ესწრება საქართველოს ბავშვთა სტომატოლოგთა ასოციაციის საერთაშორისო კონგრესებს.პატარების განსაკუთრებულად ესმის და მაქსიმალურად უმსუბუქებს სტომატოლოგთან ვიზიტის სტრესს.

სალომე არის ექიმი, რომელთანაც პატარები ყოველთვის ბრუნდებიან.
ანდე შენი პატარას პირის ღრუს ჯანმრთელობა პროფესიონალებს.