ენერგეტიკული სასმელი და პირის ღრუს ჯანმრთელობა

რა არის პატარას პირველ ღიმილზე უფრო თბილი რამ მშობლებისთვის? სანამ პირის ღრუში ეს თეთრი ონავრები გამოჩნდებიან, ბავშვს წინ საკმაოდ რთული მოგზაურობა ელოდება.

როდის ჩნდება პირველი კბილები?

ჩვილები უნიკალური ინდივიდები არიან, ამიტომ პირველი კბილების გამოჩენაც თავად ბავშვზეა დამოკიდებული.მიუხედავად იმისა, რომ არ არსებობს ზუსტი ვადა, ჩვილების უმეტესობა კბილების ამოსვლას დაახლოებით 5-6 თვის ასაკიდან იწყებს.ნუ გაგიკვირდებათ, თუ თქვენი პატარა გადაწყვეტს ოდნავ შეცვალოს წესები და დაიწყოს კბილების ამოჭრის პროცესი სამი თვის ასაკიდან ან სულაც მეთორმეტე თვის ბოლოს. დაიმახსოვრეთ, ყველა ბავშვი განსხვავებულია, ამიტომ არ უნდა ინერვიულოთ, თუ თქვენი მეგობრის ბავშვს პირველი კბილი თქვენსაზე ადრე ამოუვიდა.

რას უნდა ველოდოთ კბილების ამოსვლის დროს?

კბილების ამოსვლის პროცესი შეიძლება იყოს ემოციების ატრაქციონი როგორც მშობლებისთვის, ასევე ჩვილებისთვის. აი, რას შეიძლება ველოდოთ ამ საინტერესო პერიოდში:

აურზაური: კბილების ამოღება შეიძლება არასასიამოვნო იყოს ჩვილებისთვის, რაც იწვევს გაღიზიანებას. თქვენ შეიძლება შეამჩნიოთ, რომ თქვენი პატარა ჩვეულებრივზე მეტად ღეჭავს ყველაფერს, რასაც ხელით მიწვდება.

ღრძილების მგრძნობელობა: კბილის ამოსვლამდე, თქვენი ბავშვის ღრძილები შეიძლება შესიებული და მგრძნობიარე გახდეს. ღრძილების ნაზი მასაჟი სუფთა თითით, დაგეხმარებათ დისკომფორტის მოხსნაში.

ცვლილებები ჭამისა და ძილის რუტინაში: არცთუ იშვიათია, როდესაც კბილების ამოსვლის პროცესში მყოფი ბავშვები განიცდიან ცვლილებებს კვების და ძილის ჩვევებში. კომფორტისთვის ისინი ცდილობენ უფრო ხშირად იკვებონ ძუძუთი ან ბოთლით, რაც თავისთავად ძილის დარღვევას იწვევს.

დაბალი სიცხე და მსუბუქი დიარეა: ზოგიერთ ბავშვს შეიძლება განუვითარდეს მსუბუქი ცხელება ან ზომიერი დიარეა კბილების ამოსვლისას. ეს სიმპტომები, როგორც წესი, დროებითია და უნდა გაქრეს მას შემდეგ, რაც კბილი ამოტეხს ღრძილის ხაზს. თუმცა, თუ თქვენს პატარას აღენიშნება მაღალი სიცხე ან მძიმე დიარეა, აუცილებელია პედიატრთან კონსულტაცია.

პირველი კბილის დანახვა: მომენტი, რომელსაც ასე ელოდით - პირველი პაწაწინა კბილის გაჩენა! როგორც წესი, პირველი კბილები ჩნდება ქვედა წინა მიდამოში (ქვედა ცენტრალური საჭრელი), რასაც მოჰყვება ზედა წინა კბილები (ზედა ცენტრალური საჭრელი). თითოეული კბილი აღსანიშნავი ეტაპია, ასე რომ, დარწმუნდით, რომ გქონდეთ კამერა მზად ამ ძვირფასი ღიმილების დასაფიქსირებლად!

როგორ შეგიძლიათ დაეხმაროთ თქვენს ბავშვს კბილების ამოსვლის პროცესში?

როგორც მშობელს, არსებობს რამდენიმე რამ, რისი გაკეთებაც შეგიძლიათ, რათა დაამშვიდოთ პატარა:

ღრძილების ნაზი მასაჟი სუფთა თითით მნიშვნელოვნად ამსუბუქებს დისკომფორტს.კარგია სუფთა, ცივი ტილოს გამოყენება; ის მნიშვნელოვნად ამსუბუქებს დისკომფორტს.

საღეჭი სათამაშოები: ინვესტიცია ჩადეთ უსაფრთხო მასალისგან დამზადებულ ასაკობრივ საღეჭ სათამაშოებში. ღეჭვის მოქმედება ამსუბუქებს ტკივილს და ეხმარება პატარას ტკივილისგან ყურადღების გადატანაში.მოერიდეთ სათამაშოების გაყინვას, რადგან ისინი შეიძლება გახდნენ ძალიან მყარი და დააზიანონ პატარას ნაზი ღრძილები.

კომფორტი და ჩახუტება: ზოგჯერ, ყველაფერი, რაც თქვენს პატარას სჭირდება, არის მეტი სიყვარული და ნუგეში ამ რთული პერიოდის მარტივად დასაძლევად.

მიმართეთ სტომატოლოგს: თუ გაქვთ რაიმე შეშფოთება ან კითხვები ბავშვის კბილების ან პირის ღრუს ჯანმრთელობასთან დაკავშირებით, ნუ დააყოვნებთ, მოგვმართეთ, რათა ერთად დავხვდეთ პირველ კბილებს და უზრუნველვყოთ უსაფრთხო მოგზაურობა ამ რთულ, მაგრამ ჯადოსნურ პროცესში.არ დაგავიწყდეთ, რომ კბილების მოვლა იწყება მათი ამოსვლისთანავე!

იცოდით, რომ  ჩვენს სხეულში ცოცხალი მიკრობიომები ბინადრობენ?

მიკრობიომი არის მრავალი ორგანიზმის ერთობლიობა, იმდენად მცირე, რომ შეუიარაღებელი თვალით ვერ ვხედავთ; მათ მიკროორგანიზმები ჰქვია და შესაძლოა მათ შესახებ უკვე გსმენიათ.ისინი მნიშვნელოვანია საჭმლის მონელებისთვის, გვიცავს მიკრობებისგან და ხელს უწყობს საკვები ნივთიერებების გამომუშავებას, რომლებიც ჩვენს ორგანიზმს სჭირდება გადარჩენისთვის!

პირის ღრუში შეიძლება იყოს 700-მდე ორგანიზმი თავის მიკრობიომში. ზოგიერთი მათგანი კარგია - ისინი გვიცავს ინფექციისგან და გევხმარება საკვები ნივთიერებების დაშლაში.დანარჩენი მავნეა და შეიძლება გამოიწვიოს კარიესი, ღრძილების დაავადება და სხვა ინფექციები. პირის ღრუში არსებული კარგი ბაქტერიები ასევე გვეხმარება მავნესთან ბრძოლაში.

ყოველთვის, როდესაც დაგავიწყდებათ ყოველდღიურად კბილების გახეხვა, მავნე ბაქტერიები აჭარბებს კარგს და შესაძლოა დაიწყოს კბილების დაზიანება; ღრძილების დაინფიცირება. ისინი ერთმანეთს უერთდებიან და ქმნიან წებოვან ზედაპირს კბილებზე, რომელსაც ეწოდება ბიოფილმი, ან დენტალური დაფა.

განვიხილოთ რამდენიმე ყველაზე მავნე ორგანიზმი, რომელიც ცხოვრობს პირის ღრუში:

სტრეპტოკოკი მუტანსი

არსებობს მრავალი ბაქტერია, რომელსაც შეუძლია გამოიწვიოს კარიესი, მაგრამ ერთ-ერთი ყველაზე ცნობილი არის Streptococcus mutans. (მოკლედ S. Mutans.)

მას უყვარს კბილების პაწაწინა ბზარებში და ნახვრეტებში დამალვა და მინანქრის განადგურება (მყარი, გარე ფენა, რომელიც იცავს თქვენს კბილებს.) როგორც კი ისინი გაივლიან მინანქარს, ინფექცია შეიძლება სწრაფად გავრცელდეს. და ჩააღწიოს ფესვამდე.თუ სწრაფადვე არ მიმართავთ სტომატოლოგს, შესაძლოა კბილის გადარჩენა ვერც მოხერხდეს.

ინფექციის თავიდან აცილება მარტივია კბილების გახეხვით დღეში ორჯერ ორი წუთის განმავლობაში!

Aggregatibacter actinomycetemcomitans

ამ ბაქტერიის სახელი საკმაოდ რთულად წასაკითხი და გამოსათქმელია, ამიტომ ჩვენ ამ სტატიაში მოვიხსენიებთ, როგორც "ის". ცნობილია, რომ ის არის ძალიან აგრესიული თავდამსხმელი და იწვევს პაროდონტიტს ბავშვებში. მან ასევე შეიძლება გამოიწვიოს ღრძილების ქვეშ ძვლის განლევა!

რა არის პაროდონტიტი?

პაროდონტიტი (pare-ee-o-don-tie-tis) არის  ღრძილების დაავადება ანუ ინფექცია ვარდისფერ, რბილ ქსოვილში, რომელიც ჩვენს კბილებს იკავებს. თუ ღრძილების ჯანმრთელობას არ ინარჩუნებთ, დროთა განმავლობაში ვეღარ შეასრულებს თავის ფუნქციას.ინფექციამ, რამაც გამოიწვია კბილის დაკარგვა, შეიძლება დააინფიციროს უფრო დიდი კბილიც, რომელმაც უნდა დაიკავოს მისი ადგილი. თუ თქვენ ღრძილებიდან სისხლდენა შენიშნეთ ჯაგრისის ან ფლოსების გამოყენებისას, ეს ღრძილების დაავადების ადრეული ნიშანია. თქვენ ჯერ კიდევ შეგიძლიათ შეაჩეროთ ინფექცია, სანამ ძალიან გვიან არ არის!

როგორ ანადგურებთ ღრძილებისთვის მავნე ორგანიზმებს? აუცილებლად გაიხეხეთ და გამოიყენეთ ძაფები ყოველდღე, კბილების გახეხვასთან ერთად. ფლოსინგი აშორებს ბიოფილს, რომელიც იმალება კბილებს შორის და ღრძილების ხაზის ქვემოთ.

რა არის ჰალიტოზი?

ოდესმე შეგიმჩნევიათ, რომ როდესაც გადასაყრელად გამზადებული  საკვები რამდენიმე დღით რჩება ნაგვის ურნაში, სანამ ურნა გაივსება და გარეთ გაიტანთ, საკმაოდ უსიამოვნო სუნით ხასიათდება. ეს იმიტომ ხდება, რომ მიკროსკოპული ორგანიზმები (ბაქტერიები და სოკოები) ჭამენ მათ. ეს პროცესი ქმნის უსიამოვნო სუნს. მსგავსი რამ ხდება, როდესაც საკვების პაწაწინა ნამცეცები დიდხანს რჩება პირის ღრუში. შეიძლება ვინმემ აღნიშნოს კიდეც: „აუ! ცუდი სუნი გაქვს!”.არასასიამოვნო სუნთქვის მრავალი მიზეზი შეიძლება იყოს - მაგრამ არსებობს ორი, რომელთა მოგვარება შესაძლებელია პირის ღრუს კარგი ჰიგიენით:

პირველი არის ღრძილების დაავადების არსებობა. ჩვენ უკვე განვიხილეთ პრევენცია ყოველდღიური ჰიგიენის შენარჩუნებით, რათა არ ჩამოყალიბდეს ბიოფილი ჩვენს კბილებზე და ღრძილების ხაზის ქვემოთ.

არასასიამოვნო სუნის მეორე მიზეზი შეიძლება იყოს ენა და ლოყები. იმის გამო, რომ ენა ნაპრალოვანი სტრუქტურისაა, ის უამრავ ადგილს უქმნის საკვების და ბაქტერიების დასამალად, რაც ნიადაგს ამზადებს სუნის წარმოსაქმნელად. როდესაც ყოველდღიურად იხეხავთ, ცოტა მეტი დრო დაუთმეთ ენის გასუფთავებას, რათა შეძლებისდაგვარად, კარგად მოაცილოთ საკვები ნარჩენები;ასევე სცადეთ გამოიყენოთ პირის ღრუს სავლები.

თუ პირის ღრუს ჰიგიენის წესებს კარგად იცავთ, მაგრამ სუნთქვა კვლავ უსიამოვნო გაქვთ,საჭიროა სტომატოლოგთან ვიზიტი, რათა დარწმუნდეთ, რომ არ გაქვთ სხვა ჯანმრთელობის მდგომარეობა, რომელიც იწვევს უსიამოვნო სუნს.
ვიზიტის დასაჯავშნად დაგვიკავშირდით

სიბრძნის კბილების ამოღება არის პროცედურა, რასაც თითქმის ყველა ადამიანი გადის ცხოვრებაში.

მათი ამოსვლა ჩვეულებრივ, თინეიჯერობის წლებში  იწყება და შეიძლება გაგრძელდეს 30 წლის ასაკამდე. სიბრძნის კბილმა შესაძლოა არასოდეს გამოიწვიოს რაიმე პრობლემა, ან შეიძლება დაექვემდებაროს ამოღებას გართულებების გამო.

მოწინავე ტექნიკისა და ტექნოლოგიის გამოყენებით, სიბრძნის კბილის მკურნალობაც შესაძლებელია მარტივად და უმტკივნეულოდ.

სტომატოლოგები განვსაზღვრავთ, არის თუ არა თქვენი სიბრძნის კბილები ჯანსაღი და სწორად განლაგებული. ყველას არ სჭირდება სიბრძნის კბილების ამოღება, მაგრამ ხშირ შემთხვევაში მისმა შენარჩუნებამ შეიძლება გამოიწვიოს პრობლემები, როგორიცაა:

• ტკივილი ან დისკომფორტი
• კისტა ან სიმსივნე
• სიბრძნის კბილების ზეწოლით გამოწვეული მიმდებარე კბილების დაზიანება
• ღრძილების დაავადება
• კარიესი

სიბრძნის კბილების ამოღება ასევე შეიძლება იყოს მნიშვნელოვანი ნაბიჯი პაროდონტალურ თერაპიაში ან ორთოდონტიულ მკურნალობაში. თუ მოცილება აუცილებელია, ჩვენ განვიხილავთ სედაციის სხვადასხვა საშუალებას, რათა გამოცდილება მაქსიმალურად კომფორტული და უმტკივნეულო იყოს.

დამატებითი ინფორმაციისთვის, დაგეგმეთ ვიზიტი ჩვენთან, რათა გაიგოთ არის თუ არა ჯანსაღი თქვენი სიბრძნის კბილი და ექვემდებარება თუ არა შენარჩუნებას.

როდესაც გარეთ ცივა, კანი არ არის სხეულის ერთადერთი ნაწილი, რომელიც შეიძლება დააზიანოს მშრალმა კლიმატმა. ცივმა ტემპერატურამ ასევე შეიძლება გავლენა მოახდინოს თქვენი პირის ღრუს ჯანმრთელობაზე. ამ სეზონზე ჩახუტებისას არ უნდა დაგვავიწყდეს, რომ განსაკუთრებულად ვიზრუნოთ პირის ღრუს ჯანმრთელობაზე.კბილების მგრძნობელობა და პირის სიმშრალე ხშირად უარესდება ცივ, მშრალ ამინდში. სწორედ ამიტომ, გთავაზობთ რამდენიმე რჩევას ჯანსაღი პირის ღრუს შესანარჩუნებლად.

დაიტენიანეთ ტუჩები
ზამთრის სუსხმა შეიძლება გავლენა მოახდინოს ტუჩების დელიკატურ კანზე, გამოაშროს და გამოიწვიოს ნახეთქების გაჩენა.ყოველდღიური ტუჩის ბალმის გამოყენება, რომელიც შეიცავს SPF-ს, დაგიცავთ ამ პრობლემებისგან, თუმცა სასურველია მისი გამოყენება უფრო ხშირად, გამოშრობისთანავე.მხოლოდ საცხის გამოყენება ეფექტურად ვერ დაგიცავთ სიმშრალისგან, წყლის დალევა ასევე შესანიშნავი საშუალებაა კანის ტენიანობის შესანარჩუნებლად, პირის სიმშრალის სიმპტომების შემსუბუქება კი ჰიდრატაციის დამატებითი სარგებელია. იმის გამო, რომ ამ ცივ პერიოდში ჰაერში ნაკლები ტენიანობაა,  ექიმები სახლში დამატენიანებელის დაყენებას გვირჩევენ.

მეტი ჰიდრატაციის შესახებ
ქსეროსტომია (პირის სიმშრალე) არის პირის ღრუს მდგომარეობა, რომელიც აღინიშნება პირის ღრუში არასაკმარისი ნერწყვის გამო. ეს შეიძლება გამოწვეული იყოს გარკვეული სახის მედიკამენტებითა და სამკურნალო საშუალებებით. ზამთრის მშრალმა ჰაერმა შეიძლება გააუარესოს ეს, ასე რომ, დარწმუნდით, რომ დღის განმავლობაში საკმარის წყალს იღებთ.

გამოიყენეთ ფტორიანი კბილის პასტა მგრძნობიარე კბილებისთვის
თუ თქვენი საყვარელი ცხელი შოკოლადით და ზამთრის ნუგბარით ტკბობისას მკვეთრ ტკივილს გრძნობთ, შესაძლოა მგრძნობელობის მომატებასთან გვქონდეს საქმე.დაშლილი კბილის მინანქარი ტოვებს დენტინს, მის ქვეშ არსებულ ქსოვილს, როდესაც კბილის ეს ნაწილი კონტაქტში მოდის ცხელ, ცივ ან მჟავე საკვებთან და სასმელთან, ამან შეიძლება გამოიწვიოს დისკომფორტი. ცივმა ტემპერატურამ, ჰაერმა და ქარმა შეიძლება გამოიწვიოს კბილებში დისკომფორტის შეგრძნება. ჩართეთ მგრძნობიარე კბილებისთვის განკუთვნილი პასტა პირის ღრუს ჰიგიენის რუტინაში; ისინი შეიცავენ ინგრედიენტებს, რომლებიც იცავს დაუცველ დენტინალურ მილაკებს.

გააკონტროლეთ ტკბილის მიღების დოზირება, განსაკუთრებით მოზარდებსა და ბავშვებში.
უკვე ვიცით, რომ შაქარი პირდაპირ კავშირშია კბილების გაფუჭებასთან, ზამთრის დღესასწაულები კი წარმოუდგენელია ტკბილეულის გარეშე.პატარებში განსაკუთრებით საყურადღებოა ტკბილეულის ყოველდღიური დოზის კონტორლი და შესაბამისი მოვლა, რათა თავიდან ავიცილოთ კარიესი.
შაქრის შემცველი საკვების მიღების შემდეგ, მოლეკულები ერწყმის ნერწყვს და პირის ღრუში არსებულ ბაქტერიებს კვებავს. ეს კომბინაცია იწვევს კბილებზე ნადების წარმოქმნას ნადები კი ხელს უწყობს კარიესის გაჩენას.სტომატოლოგები გვირჩევენ, რომ ზამთრის სეზონზე კბილები უფრო ხშირად გავიხეხოთ, სასურველია ვაკონტროლოთ ტკბილეულის დოზა და/ან გამოვიხეხოთ კბილები ტკბილის მიღებისთანავე.
 

შეინარჩუნეთ სითბო
ზამთრის სიცივეში გასვლისას პლედის ან ქურთუკის ჩაცმა არის ის, რასაც ალბათ უკვე აკეთებთ.ცივ ამინდში იძაბება სახსრები და კუნთები.პაციენტებს, რომელთაც აწუხებთ ყბის სახსრის ტკივილი, სითბოს შენარჩუნება განსაკუთრებით მნიშვნელოვანია, შარფი და თბილი სვიტერი კი დაგეხმარებათ ყბის სახსრის ტკივილის მინიმუმამდე შემცირებაში.
 

გახსოვდეთ, რომ კარგი დატენიანება, ჰიდრატაცია და სითბოს შენარჩუნება ბევრ პრობლემას აგარიდებთ თავიდან.აღსანიშნავია ზამთრის სეზონზე სპეციალურად მგრძნობიარე კბილებისთვის განკუთვნილი კბილის პასტის ჩართვის აუცილებლობაც. იმის ცოდნა, თუ როგორ უნდა შეინარჩუნოთ პირის ღრუს ჯანმრთელობა ცივ ამინდში, შეამცირებს პირის ღრუს მთელი რიგი პრობლემების გაჩენის ალბათობას, რაც მოგცემთ შესაძლებლობას დაისვენოთ და მშვიდად გაატაროთ დრო ოჯახთან ერთად.

პირის ღრუს ჰიგიენის ზედმიწევნით დაცვა აუცილებელია ზოგადი ჯანმრთელობისთვის.ტრადიციული მეთოდების, როგორიცაა კბილის ძაფების, იგივე ფლოსების გამოყენება, დიდი ხანია რეკომენდირებულია სტომატოლოგების მიერ, თუმცა, ტექნოლოგიურ პრიგრესთან ერთად, პოპულარობას იძენს პირის ღრუს მოვლის ახალი მოწყობილობები, როგორიცაა პირის ღრუს ირიგატორები. ბევრს აინტერესებს  ჩაანაცვლებს თუ არა ეს ინოვაციური ხელსაწყოები ე.წ ფლოსინგის ძველ პრაქტიკას. ამ სტატიაში განვიხილავთ პირის ღრუს ირიგატორების პოტენციალს, გახდეს შეუცვლელი ნივთი პირის ღრუს მოვლის მომავლის რუტინაში.

პირის ღრუს მოვლის ევოლუცია

ათწლეულების განმავლობაში, კბილის ძაფი იყო ოქროს სტანდარტი კბილთაშორისი სივრციდან ნადებისა და ნარჩენების მოსაშორებლად. მიუხედავად იმისა, რომ ძაფების გამოყენება ეფექტურია როდესაც სწორად ვიყენებთ, კვლევებმა აჩვენა, რომ ბევრი ადამიანი ჯერ კიდევ არასწორად ან/და უხეშად იყენებს ძაფებს, რაც იწვევს პირის ღრუს გაღიზიანებას.სწორედ ამან განაპირობა ალტერნატიული მოწყობილობების განვითარების იდეა.

მოწყობილობის მოკლე მიმოხილვა

პირის ღრუს ირიგატორებს იყენებენ  კბილთაშორისი და ღრძილების გასწვრივი სივრცის გასაწმენდად, წყლის ჭავლის გამოყენებით. ეს მოწყობილობები აღჭურვილია წყლის რეზერვუარით, რომელიც მიმართავს წყლის ფოკუსირებულ ნაკადს ნადების, ბაქტერიების და საკვების ნაწილაკების ამოსაღებად. შემქმნელები ამტკიცებენ, რომ პირის ღრუს ირიგატორები რამდენიმე უპირატესობას გვთავაზობენ ტრადიციულ ძაფთან შედარებით.

პირის ღრუს ირიგატორების უპირატესობები:

გამოყენების სიმარტივე: ირიგატორების ერთ-ერთი მთავარი უპირატესობა არის მათი მოსახერხებელი ბუნება. ძაფისგან განსხვავებით, რომელიც საჭიროებს სათანადო ტექნიკის ცოდნას, ტრავმის თავიდან ასაცილებლად, პირის ღრუს ირიგატორის გამოყენება ბევრად მარტივია სპეციალური ცოდნის გარეშეც.

ნაზია ღრძილების მიმართ: პრაქტიკაში ძაფების არასწორმა გამოყენებამ შეიძლება გამოიწვიოს ღრძილებიდან სისხლდენა და დისკომფორტი.პირის ღრუს ირიგატორები ნაზ და რბილ ალტერნატივას გვთავაზობს, რომლის მეშვეობითაც თითქმის გამოირიცხება ღრძილების დაზიანების რისკი.მგრძნობიარე ღრძილების მქონე პაციენტებში, სტომატოლოგები მხოლოდ ირიგატორის გამოყენებას გვირჩევენ.

ხელმისაწვდომობა: ირიგატორები სხვადასხვა ფორმისა და ზომისაა, დაწყებული პანელის მოდელებიდან დამთავრებული პორტატული, მოგზაურობისთვის მოსახერხებელი ვერსიებით.რაც შეეხება მოწყობილობის ფასს, ჩვენს ბაზარზე ირიგატორები სიახლეა და მათი ფასი 60 ლარიდან 250 ლარამდე მერყეობს.

ყოვლისმომცველი წმენდა: ძაფისგან განსხვავებით, რომელიც უპირველეს ყოვლისა მიზნად ისახავს კბილთაშორისი სივრცეებიდან ნარჩენების მოშორებას, ირიგატორები ზედმეტი ძალისხმევის გარეშე აღწევენ პირის ღრუს სიღრმეებში.

მიუხედავად იმისა, რომ ირიგატორებმა ეფექტურობა აჩვენეს პირის ღრუს მოვლის გარკვეულ ასპექტებში, ზოგიერთი სტომატოლოგი მიიჩნევს, რომ ეს მოწყობილობები არის მხოლოდ და მხოლოდ ღირებული დამატება პირის ღრუს მოვლის რუტინაში და ისინი ვერ ჩაანაცვლებენ ტრადიციულ ძაფებს. ისინი ხაზს უსვამენ ნადებისა და ნარჩენების მექანიკური მოცილების მნიშვნელობას.სავარაუდოა, რომ ორივე მეთოდის კომბინაცია იქნება ყველაზე ეფექტური მიდგომა პირის ღრუს ოპტიმალური ჯანმრთელობის შესანარჩუნებლად.მეორეს მხრივ, 2 მსგავსი დანიშნულების მქონე მოწყობილობის ჩართვა პირის ღრუს მოვლის რუტინას გამარტივების ნაცვლად, აძნელებს.

რამდენადაც ტექნოლოგია აგრძელებს წინსვლას და ვითარდება პირის ღრუს მოვლის სფეროში, ირიგატორების მომავალი გაურკვეველი რჩება. შესაძლებელია, რომ ეს მოწყობილობები გახდეს პირის ღრუს მოვლის რუტინის განუყოფელი ნაწილი მრავალი ადამიანისათვის, რაც უდავოდ წარმოადგენს ტრადიციული ფლოსინგის მოსახერხებელ და ეფექტურ ალტერნატივას. თუმცა, ნაკლებად სავარაუდოა, რომ ისინი მთლიანად ჩაანაცვლებენ ძაფს, რადგან ძაფების მექანიკური მოქმედება უნიკალურ მიზანს ემსახურება პირის ღრუს ჰიგიენის დაცვაში.

მეტი ინფორმაციის მისაღებად, დაგვიკავშირდით

კბილების მგრძნობელობა ფართოდ გავრცელებული სტომატოლოგიური პრობლემაა.თუ თქვენ განიცდით ტკივილს/უსიამოვნო შეგრძნებას კბილებში გარკვეული ტიპის ან ტემპერატურის საკვების მიღებისას, პირველ რიგში, არ დააიგნოროთ პრობლემა.კბილების მგრძნობელობა შეიძლება იყოს პირის ღრუს ჯანმრთელობის უფრო სერიოზული პრობლემის მანიშნებელი, შესაბამისად საჭიროა დროულად მიმართოთ ექიმს, რათა არ გაუარესდეს მდგომარეობა და მომავალში არ დაგჭირდეთ ინტენსიური სტომატოლოგიური ჩარევა.

კბილების მგრძნობელობის  მიზეზებია:

ბრუქსიზმი

საერთაშორისო სახელწოდებით, ბრუქსიზმი არის  გაუცნობიერებელი მოქმედება, როდესაც კბილების ერთმანეთზე უხეში დაჭერა და კრაჭუნი ხდება. ეს შეიძლება მოხდეს ძილის დროს ან დღის განმავლობაში. დაჭერა  შეიძლებ სტრესით იყოს გამოწვეული, რაც კბილისა და ყბის ტკივილის ხშირი მიზეზია. კბილებზე დამატებულმა ზეწოლამ დაჭერისას შეიძლება გამოიწვიოს ცალკეული ან მრავალი კბილის ჰიპერგრძნობიარობა გარეგან გამაღიზიანებლებზე როგორიცაა ტემპერატურა, ღეჭვა და გახეხვა.გრძელვადიან პერსპექტივაში, ბრუქსიზმით გამოწვეულმა ცვეთამ შეიძლება გაანადგუროს თქვენი მინანქარი, და მოგიმატოთ მგრძნობელობა.ბრუქსიზმი, როგორც აღვნიშნეთ, ხშირად დაკავშირებულია სტრესთან, მაგრამ შეიძლება მოხდეს ძილის დარღვევების შედეგად, როგორიცაა ძილის აპნოე და ზედა სასუნთქი გზების რეზისტენტობის სინდრომი.

ე.წ ღამის დამცავის ტარება დაგეხმარებათ კბილების დაზიანების შემცირებაში და შემდგომი მგრძნობელობის თავიდან აცილებაში. აუცილებელია, თქვენმა სტომატოლოგმა,  თქვენი ინდივიდუალური საჭიროებების გათვალიწინებით მოგარგოთ დამცავი, რადგან აფთიაქში შეძენილმა სტანდარტულმა ღამის დამცავებმა შეიძლება გააუარესონ ქვედა ყბის სახსრის (TMJ) პრობლემები და გამოიწვიონ არასწორი თანკბილვა, რაც აისახება გარეგნობაზეც.

ზედმეტად აგრესიული ხეხვა

კბილების ძირეულად გასუფთავება ძალიან მნიშვნელოვანია, მაგრამ ზედმეტად ინტენსიური და ძლიერი ხეხვა იწვევს ცვეთას,რაც დაუცველს ტოვებს შიგნით არსებულ კბილის ნერვს. ამის თავიდან ასაცილებლად, აუცილებლად უნდა გამოიყენოთ რბილი კბილის ჯაგრისი და დაიჭიროთ ღრძილების  მიმართ 45 გრადუსიანი კუთხით. მეტი სიღრმისეული ინფორმაციისთვის შეგიძლიათ წაიკითხოთ შემდეგი სტატია.

კიდევ ერთი შესანიშნავი რჩევაა აბრაზიული კბილის პასტების თავიდან აცილება.

კბილის კარიესი როგორც მგრძნობელობის გამომწვევი

კბილის დაშლა არის მინანქრის განადგურება ნადების ბაქტერიების გამო. ამან შეიძლება გამოიწვიოს მგრძნობელობა მხოლოდ ერთ კბილში, ან რამდენიმეში თუ არსებობს მრავალი ადგილი, სადაც დაშლა ხდება. თუ ეს პრობლემა არ გაქვთ, კარიესი მაინც შეიძლება გავრცელდეს და გავლენა მოახდინოს კბილის ღრმა ფენებზე.მგრძნობელობით დაწყებული პრობლემა მოგვიანებით შეიძლება გადაიზარდოს ინფექციაში ან გამოიწვიოს კბილის დაკარგვა.

კარიესის სამკურნალოდ, თქვენი სტომატოლოგი ამოიღებს კბილის დაზიანებულ ნაწილს და ჩაანაცვლებს მას კბილის ფერის შესაბამისი შიგთავსით. მძიმე ფორმის შემთხვევაში შეიძლება საჭირო გახდეს გვირგვინი.

ღრძილების დაავადება

თუ კარიესი განაგრძობს პროგრესირებას, შეიძლება გამოიწვიოს ღრძილების დაავადება. ეს ხდება მაშინ, როდესაც ნადების დაგროვება იწყებს გამკვრივებას ღრძილების ხაზის ქვეშ და ხდება ქვა.ნადებისგან განსხვავებით, კბილის ქვა ვერ მოშორდება სახლში და საჭიროებს პროფესიონალურ წმენდას.

ღრძილების დაავადების მკურნალობა შეიძლება ჩატარდეს თქვენი პაროდონტოლოგის მიერ, თქვენი სპეციფიკური გარემოებიდან გამომდინარე. ეს ჩვეულებრივ მოიცავს კლინიკაში გაწმენდისა და სახლში სტომატოლოგიური ჰიგიენის კომბინაციას.

როდის მივმართოთ  სტომატოლოგს კბილების მგრძნობელობის შესახებ

ვინაიდან კბილების მგრძნობელობა შეიძლება იყოს პირის ღრუს ჯანმრთელობის უფრო სერიოზული პრობლემის მანიშნებელი, მნიშვნელოვანია თქვენი შეშფოთება სწრაფად აცნობოთ სტომატოლოგს. თუ კბილის ტკივილს თან ახლავს ყლაპვის გაძნელება, აჩქარებული გულისცემა, დაბნეულობა და/ან მაღალი სიცხე, უნდა მიმართოთ სასწრაფო სამედიცინო დახმარებას, რადგან ეს შეიძლება იყოს ინფექციის ნიშნები.

“დანბლანში” გთავაზობთ მაღალი ხარისხის, სანდო და სწრაფ მომსახურებას ნებისმიერი სტომატოლოგიური პრობლემის გადასაჭრელად. ჩვენ შეგვიძლია ვიპოვოთ თქვენი მგრძნობელობის მიზეზი და ვუმკურნალოთ მას, რათა კვლავ დატკბეთ თქვენი საყვარელი კერძებით და დაუბრუნდეთ ჩვეულ ცხოვრების წესს.

კბილის მგრძნობელობის გამომწვევი მიზეზების განხილვის მიზნით შეხვედრის დასანიშნად, დაგვიკავშირდით დღესვე.